સાયબર'ટાઈમ' / ધ કશ્મીર ફાઈલ્સ સે મૂવીની લિંક મળે તો ખોલતા પહેલા હજાર વખત વિચારજો, નહિ તો માથે ઓઢીને રડશો

• ધ કશ્મીર ફાઈલ્સ સે  મૂવીની લિંક ખોલતા વિચારજો 
• તમારું બેંક એકાઉન્ટ થઇ શકે છે તળિયા ઝાટક 
• સાયબર એક્સપર્ટ કહે છે કે, માફિયા સક્રિય થયા છે 

દેશભરમાં હાલ ધ કશ્મીર ફાઈલ્સ સે નામક ફિલ્મની ચોતરફ ચર્ચા છે. એવામાં સાયબર માફિયા સક્રિય થયા હોવાનું જાણવા મળ્યું છે. આ ફિલ્મની લીંક ડાઉન લોડ કરવાનો ઝાસો આપી તમારા બેંક એકાઉન્ટને તળિયા ઝાટક કરવાની પેરવી ચાલી રહી છે. સાયબર એક્સપર્ટનાં  મતાનુસાર, આવી કોઈ પણ લોભામણી સ્કીમ નાગરીકોનાં ધાય્નમાં આવે તો તેઓએ આ લિન્કનો ઉપયોગ ના કરવો જોઈએ. 

ધ કશ્મીર ફાઈલ્સની મૂવીની લિંક તમારું બેંક અકાઉન્ટ ખાલી કરી શકે છે. ઓનલાઈન ફિલ્મ ડાઉનલોડની લાલચ આપતા હેકર્સ એક્ટિવ થયા છે.લિંક પર ક્લીક કરતા જ તમારું બેંક અકાઉન્ટ ખાલી  થઈ જશે. લિંક મોકલી મૂવી ડાઉનલોડ કરાવી ભેજાબાજો અકાઉન્ટ ખાલી કરી રહ્યા છે.કોઈપણ લોભામણી લાલચની લિંક ન ખોલવા સાયબર એક્સપર્ટની અપીલ છે.

ગુજરાતી ફિલ્મ પ્રોડ્યુસરે રીલીઝ ટાળી
 
જાણીતી ગુજરાતી ફિલ્મ પ્રેમ પ્રકરણના પ્રોડ્યુસરે થિયેટરોમાંથી પોતાની ફિલ્મ પાછી ખેંચી લીધી છે. જેથી દર્શકો ખુલ્લા દિલે The Kashmir Files જોઈ શકે. મહત્વનું છે કે, 11 માર્ચે The Kashmir Files રિલીઝ થઈ છે અને ત્યારથી બોક્સઓફિસ પર સારો દેખાવ કરી રહી છે. ઉલ્લેખનીય છે કે, પ્રેમ પ્રકરણ ફિલ્મ બોક્સ ઓફિસ પર સારો દેખાવ કરી રહી છે પરંતુ અમારા પ્રોડ્યુસરે ફિલ્મ પાછી ખેંચવાનો નિર્ણય કર્યો છે  

 'The Kashmir Files'  બોક્સઓફિસ પર સારો દેખાવ કરી રહી છે

'પ્રેમ પ્રકરણ'ના પ્રોડ્યુસર-ડાયરેક્ટર ચંદ્રેશ ભટ્ટ જણાવ્યું હતું કે, ફિલ્મમેકર અને ભારતીય તરીકે મને લાગે છે ધ કાશ્મીર ફાઈલ્સ માત્ર ફિલ્મ નહીં તેનાથી પણ વિશેષ છે. મારી ફિલ્મ ગુજરાતી છે તેમ છતાં તેને હાલ થિયેટરમાંથી ઉતારી લેવાનો નિર્ણય કરીને અમે ધ કાશ્મીર ફાઈલ્સનો માર્ગ મોકળો કરી રહ્યા છીએ જેથી તેને વધુ શોઝ મળી શકે. આ રીતે અમે નાનકડું યોગદાન આપી રહ્યા છીએ. મારી ફિલ્મ બોક્સઓફિસ પર સારી કમાણી કરી રહી હતી પરંતુ અમે થોડા સમય બાદ થિયેટરોમાં વાપસી કરીશું.

'The Kashmir Files'ના ડાયરેક્ટર વિવેક અગ્નીહોત્રીએ ગુજરાતી ફિલ્મ પ્રોડ્યુસર આભાર વ્યક્ત કર્યો 

ધ કાશ્મીર ફાઈલ્સમાં મહત્વના ડાયરેક્ટર વિવેક અગ્નીહોત્રીએ  પ્રેમ પ્રકરણ થિયેટરમાંથી ઉતારી લેવાઈ હોવાની વાત જાણતા પ્રેમ પ્રકરણના પ્રોડ્યુસર અને ડાયરેક્ટરનો આભાર માન્યો હતો. તેમણે કહ્યું કે, અમારી ફિલ્મને જે સપોર્ટ આપ્યો છે તેના માટે આભારી છું. ધ કાશ્મીર ફાઈલ્સ' હવે લોકોની ફિલ્મ છે અને તેમણે દિલમાં તેને વિશેષ સ્થાન આપ્યું છે માટે ખૂબ ખૂબ આભાર. પ્રેમ પ્રકરણને પણ મારી શુભકામનાઓ.