તમારા કામનું / રસી ન લેનારા ધ્યાન આપે : કંપનીઓ તમારી સેલરી સાથે જોડી રહી છે આનું કનેક્શન, કેમ કે...

• કંપનીઓ કર્મચારીઓને રસી લગાવવા પ્રેરિત કરી રહી છે
• કંપનીઓ આવનારા 3-4 મહિનામાં ઓફિસ ખોલવા ઈચ્છે છે
•  રસી ન લેનારને ઈન્ક્રિમેન્ટ નહીં મળે

કેવી રીતે કંપનીઓ પોતાના કર્મચારીઓને રસી લગાવવા પ્રેરિત કરે છે

હકિકતમાં કંપનીઓ ઈચ્છે છે કે લોકો જલ્દીથી જલ્દી વેક્સિનેટ થઈ જાય. જેથી ઓફિસ ફરીથી ખોલી શકે. તેવામાં કંપનીઓ રસીનું કનેક્શન તમારી સેલેરી સાથે જોડી રહી છે. જેથી લોકો રસી લઈ લે. એક ન્યૂઝ પેપરમાં છપાયેલ ડિટેલ રિપોર્ટમાં કહેવામાં આવ્યું છે કે કેવી રીતે કંપનીઓ પોતાના કર્મચારીઓને રસી લગાવવા પ્રેરિત કરી રહી છે.

કંપનીઓ આવનારા 3-4 મહિનામાં ઓફિસ ખોલવા ઈચ્છે છે

રોજગાર સાથે જોડાયેલા વકીલો અને ઈન્ડસ્ટ્રીઝ એક્ઝિક્યૂટિવનું માનીએ તો દેશની ઘણી બધી કંપનીઓ આવનારા 3-4 મહિનામાં ઓફિસ ખોલવા ઈચ્છે છે. આ ત્યાં સુધી શક્ય નહીં થઈ શકે જ્યાં સુધી લોકો વેક્સિનેટ ન થઈ જાય. તેવામાં કંપનીઓ રસીકરણ માટે આને ઈન્સેન્ટિવ કમિશન અને ઈનક્રિમેન્ટ સાથે જોડી રહ્યા છે. કંપનીઓ પોતાન કર્મચારીઓનું જબરજસ્તી રસીકરણ નથી કરાવી શકતી. એટલા માટે કર્મચારીઓ પર થોડુ દબાણ બનાવવાની રીત શોધી રહી છે.

રસી ન લેનારને ઈન્ક્રિમેન્ટ નહીં મળે

કંપનીઓ રસી ન લેનારા પર થોડી કડકાઈ બતાવી રહી છે. ખેતાન એન્ડ કંપનીઓના પાર્ટનર અંશુલ પ્રકાશ કહે છે કે જે લોકો રસી નથી લગાવી રહ્યા તે એક મોટી વસ્તીને સંકટમાં નાંખી રહ્યા છે. તેમણે કહ્યું કે કંપનીઓએ સ્પષ્ટ કરી દીધું છે કે જે લોકો રસી નથી લગાવતા તેની અસર તેમના કરિયર પર પડી શકે છે. એક ઈન્ડસ્ટ્રીયલ ફોર્મના સીનિયર એગ્જિક્યૂટિવે જણાવ્યું કે તેમણે પોતાના સ્ટાફને રસી લગાવવાનું કહ્યુ છે અને તેવામાં રસી ન લેનારને ઈન્ક્રિમેન્ટ નહીં મળે.

કેટલીક કંપનીઓ સેલેરી રોકી રહી છે

એક ફાઈનેન્શિલ સર્વિસ કંપનીના સીનિયર એક્ઝિક્યૂટિવે કહ્યું કે ઘણા બધા લોકો એવા છે કે જેમની પાસે રસી નહી લગાવવા માટેનું કોઈ યોગ્ય કારણ નથી. તેવા લોકોને સ્પષ્ટ કહેવામાં  આવ્યું છે કે તેમની સેલેરીનો 5 ટકા ભાગ રોકી લેવામાં આવશે. આ પૈસા તેમને તે દિવસે મળશે જ્યારે તેઓ રસી લગાવી લે છે. કંપનીઓ આ કડકાઈ એટલા માટે દર્શાવી રહી છે જેવી એક વાર ઓફિસ ખુલ્યા બાદ કોઈ સંકટ ન રહે અને કંપનીઓને તે ફરી બંધ કરવાની સ્થિતિ ઉભી ન થાય.