ચેતવણી / ગાડીઓ લઈને નીકળતા અમદાવાદીઓ સાચવજો, થર્ટીફર્સ્ટે વધી જાય છે અકસ્માત; જુઓ ત્રણ વર્ષના આંકડા

• થર્ટીફર્સ્ટની પાર્ટી માટે થનગની રહ્યું છે ગુજરાત 
• અમદાવામાં થર્ટીફર્સ્ટે અકસ્માત વધ્યા, છેલ્લા વર્ષોનો ઈતિહાસ સાક્ષી
• અમદાવામાં 31 ડિસેમ્બર, 2020ના રોજ 36.73% વધુ અકસ્માત થયા

નવા વર્ષની ઉજવણીને લઈ ગુજરાત થનગની રહ્યું છે, યુવાવર્ગ દ્વારા અવનવા અંદાજમાં થર્ટીફર્સ્ટની પાર્ટીનું આયોજન પણ કરાઈ રહ્યું છે. પરંતુ આ બધાની વચ્ચે અમદાવાદી તમને સવાચેત કરી દઈએ કે, ગાડી ચલાવતા સાચવજો કારણે કે, થર્ટી ફસ્ટમાં અકસ્માત વધુ થાય છે તેવો છેલ્લા કેટલાક વર્ષોનો ઈતિહાસ બતાવી રહ્યું છે.

અમદાવાદમાં થર્ટીફર્સ્ટે વધી જાય છે અકસ્માત 
નવાવર્ષને આવકારવા માટે થર્ટી ફર્સ્ટીની પાર્ટીને લઈ રાજ્યના અનેક લોકો થનગની રહ્યાં છે. પરંતુ આ પાર્ટી પછી અકસ્માતના કિસ્સામાં ખાસો વધોરો થયો છે. અમદાવાદમાં 31મીએ અકસ્માત વધી જાય છે. 31 ડિસેમ્બર, 2018ના રોજ અમદાવાદમાં સામાન્ય કરતાં 8.62% અકસ્માત વધારે થયા છે તેમજ 31 ડિસેમ્બર, 2019ના રોજ અમદાવાદમાં રોડ અકસ્માતમાં 32.35%નો ઉછાળો જોવા મળ્યો હતો. 

31 ડિસેમ્બર, 2020ના રોજ 36.73% વધુ અકસ્માત થયા
અમદાવાદમાં 31 ડિસેમ્બર, 2020ના રોજ 36.73% વધુ અકસ્માત થયા સર્જાયા હતા, આ આંકડા સામાન્ય દિવસમાં થતાં અકસ્માતની તુલનામાં બનાવેલા છે. આના આધારે તમે જાણી શકો છો કે, થર્ટી ફર્સ્ટને લઈ અકસ્માતમાં ખાસો વધારો ઓલ ઓવર જોવા મળે છે. 

રફ ગાડી ચલાવવી, દારૂ પીને ગાડી ચલાવવી અકસ્માતનું મુખ્ય કારણ 
તમને જણાવી દઈએ કે, અમદાવાદમાં મોટા ભાગના અકસ્માત સિંધુ ભવન, એસજી હાઇવે તરફ નોંધાય છે,  થર્ટીફર્સ્ટમાં થનાર અકસ્માતમાં મોટા ભાગના કિસ્સામાં રફ ગાડી ચલાવવી, દારૂ પીને ગાડી ચલાવવી જેવા મુખ્ય કારણ જાણવા મળે છે તેમજ અમુક અકસ્માત ચાલુ ગાડીએ વાતો કરવા કારણે પણ સર્જાય છે.