VIDEO / રૌફ જમાવવા ગોવાના બીચ પર કાર લઈ ગયો યુવક, ગાડી તો ફસાઈ, પોલીસે ધરપકડ પણ કરી

• ગોવામાં સહેલાણીઓ નિયમો તોડ્યા
• કાયદાની ધજ્જિયા ઉડાવી મોજ માણવામાં ફસાયા
• પોલીસે ગાડી જપ્ત કરી, ડ્રાઈવરની ધરપકડ થઈ

આપને કદાચ યાદ હશે કે, થોડા સમય પહેલા સમાચાર આવ્યા હતા કે, ગોવામાં સમુદ્ર કિનારે કોઈ પણ પ્રકારના વાહન હંકારવાની કડક મનાઈ છે. જો કે, તેમ છતાં પણ ઘણા સહેલાણીઓ આ વાત માનતા નથી અને પોતાના વાહનો લઈને ડ્રાઈવ કરવા નિકળી પડે છે. 

તાજેતરમાં જ એક કિસ્સો સામે આવ્યો હતો, જેમાં ગોવામાં સમુદ્ર કિનારે ગાડી ચલાવાનો આરોપમાં પોલીસે એક પર્યટકની ધરપકડ કરી હતી અને કાર જપ્ત કરી લીધી હતી. આ ઘટનાના કેટલાય વીડિયો ઈન્ટરનેટ પર વાયરલ થયા હતા. આ વીડિયોમાં પર્યટકનું એક ગ્રુપ તોફાની મૌસમમાં ગોવાના સમુદ્ર કિનારે નવી Hyundai Creta ચલાવતા દેખાયા હતા. 

Tourist from #Delhi illegally drives a rented car on Goa's Vagator beach. Car gets stuck on the seashore. Driver has been booked by Goa Police for endangering lives.
pic.twitter.com/83LpInGeZT

— Manish (@allwebinfo) June 17, 2022

જો કે, થોડી વારમાં જ આ Hyundai Creta ફસાઈ જાય છે કારણ કે, ડ્રાઈવ કરનારા લોકો તેને પાણીમાં ઉંડાણમાં લઈ જવાનો પ્રયાસ કરી રહ્યા હતા. પણ એ વાતની જાણકારી સામે આવી નથી કે, અધિકારી સમુદ્ર તટ પર ફસાયેલ વાહનને બચાવવા સફળ રહ્યા હતા કે નહીં, પણ પોલીસ અધિકારીઓએ આ પર્યટકની ધરપકડ કરી લીધી છે. 

પોલીસના ઉચ્ચ અધિકારીએ જણાવ્યું હતું કે, આરોપીની ઓળખાણ લલિત કુમાર યાદવ તરીકે થઈ છે. જે ગોવામાં રજીસ્ટર્ડ હ્યૂન્ડાઈ કાર ચલાવી રહ્યા હતા. એવું લાગે છે કે, આ પર્યટકોએ સ્થાનિક લોકો પાસેથી આ કાર ભાડે લીધી હશે. કાર ચાલક લલિત કુમારની પોલીસે ધરપકડ કરી છે. 

તેમણે જણાવ્યું હતું કે, પોલીસે કાર જપ્ત કરી લીધી છે અને પોલીસે ભારતીય દંડ સંહિતા અંતર્ગત કલમ 279 અને 336 અંતર્ગત ફરિયાદ નોંધી લીધી છે. આ ઉપરાંત પોલીસે માપુસાની કાર માલિક સંગીતા ગાવદલકર વિરુદ્ધ પણ આરટીઓમાં રિપોર્ટ નોંધાવ્યો છે.