- પેટના દુખાવાનો ઈલાજ નથી થઈ રહ્યો?
- રસોડાના સ્વાદિષ્ટ મસાલા આરોગ્ય માટે ઔષધિનું કામ કરે છે
- જાણો પેટના દુખાવાથી છુટકારો કેવી રીતે મેળવવો
પેટનો દુખાવો એક સામાન્ય સમસ્યા છે. અનેક કારણોસર પેટમાં દુખાવો થઈ શકે છે. કંઈપણ આડુઅવળુ ખાવાને કારણે પેટમાં ઈન્ફેક્શન થઈ જાય છે. જેથી પાચનતંત્ર યોગ્ય હોય તે જરૂરી છે, નહીંતર પેટમાં દુખાવો થવા લાગે છે. જેના કારણે રોજબરોજનું કામ સરળતાથી કરી શકતા નથી. પેટના દુખાવાનો ઈલાજ નથી થઈ રહ્યો તો, તમારું રસોડું તમારા માટે લાભકારી સાબિત થઈ શકે છે. રસોડાના સ્વાદિષ્ટ મસાલા આરોગ્ય માટે ઔષધિનું કામ કરે છે, જે અંગે અહીંયા જાણકારી આપવામાં આવી છે.
હીંગથી પેટના દુખાવામાં રાહત
સામાન્ય રીતે ભોજનનો સ્વાદ વધારવા માટે હીંગનો ઉપયોગ કરવામાં આવે છે. શું તમને ખબર છે કે, હીંગથી પેટનો દુખાવો પણ દૂર થઈ શકે છે. હીંગ પાચન માટે સર્વશ્રેષ્ઠ ઔષધિ છે, જેનાથી ગેસ અને કબજિયાતથી છુટકારો મળે છે. હીંગનું સેવન કઈ કઈ રીતે કરી શકાય તે અંગે અહીંયા જાણકારી આપવામાં આવે છે.
આ પ્રકારે હીંગનું સેવન કરો
હીંગની ચા
સારું આરોગ્ય મેળવવા માટે તમે અનેક વાર હર્બલ ટીનું સેવન કર્યું હશે. પેટના દુખાવા માટે હીંગની ચાનું સેવન જરૂરથી કરવું જોઈએ. જેની મદદથી બ્લોટિંગ અને એસિડિટીની સમસ્યા દૂર થાય છે. હીંગની ચા બનાવવા માટે એક કપ પાણી ગરમ કરો, તેમાં ચપટી હીંગ, સૂંઠ પાઉડર અને સંચળ નાખીને તેનું સેવન કરો.
ગરમ પાણી સાથે પીવો
પેટમાં દુખાવો થાય તો તેનાથી રાહત મેળવવા માટે ગરમ પાણીમાં હીંગ મિશ્ર કરી દો અને તેનું ચાની જેમ સેવન કરી શકો છો. આ પ્રકારે કરવાથી પાચનતંત્રમાં સુધારો થશે અને મેટાબોલિઝમ બૂસ્ટ થશે.
હીંગ અને આદુ મિશ્ર કરીને તેનું સેવન
હીંગ અને આદુનું એકસાથે સેવન કરવું તે આરોગ્ય માટે ખૂબ જ લાભકારી છે, જેનાથી અપચાની સમસ્યા દૂર થાય છે. આદુમાં ડાઈજેસ્ટિવ એન્ઝાઈમ્સ હોવાને કારણે પેટના દુખાવાથી પણ રાહત મળે છે. ઉપરાંત પેટ અને કમરની ચરબી પણ ઓગળવા લાગે છે.
(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)
