કોફીનું સેવન આજકાલની લાઈફસ્ટાઈલનો મહત્વનો ભાગ છે. તેમાં રહેલું કેફીન તમને તરત એનર્જી આપે છે. એવામાં લોકો થાક, પ્રેશરથી રાહત માટે કોફીનું વધારે સેવન કરવા લાગે છે. આમ તો મર્યાદીત પ્રમાણમાં કોફીનું સેવન સ્વાસ્થ્ય માટે સારૂ છે પરંતુ જો તમે તેનું જરૂર કરતા વધારે સેવન કરી રહ્યા છો તો આ તમારા સ્વાસ્થ્યને વધારે નુકસાન પહોંચાડી શકે છે.
દરરોજ કેટલા કપ પીવી જોઈએ કોફી?
એક્સપર્ટ્સ અનુસાર એડલ્ટ્સને રોજ 400 મિલિગ્રામથી વધારે કેફીન ન લેવું જોઈએ. એક સરેરાશ કપ કોફીમાં લગભગ 95 મિલીગ્રામ કેફીન હોય છે. એવામાં જો તમે આખા દિવસમાં 4 કપ કોફી પીવો છો તો આ લિમિટ છે.
તેનાથી વધારે કોફીનું સેવન તમારા માટે નુકસાનકારક સાહિત થઈ શકે છે. ત્યાં જ 4-6 વર્ષના બાળકો માટે 45 મિલીગ્રામ, 7-12 વર્ષના બાળકો માટે આ પ્રમાણ 70 મિલીગ્રામ છે. કિશોરો માટે બે કપ કોફી એટલે કે 100થી 200 મિલીગ્રામ કોફીનું સેવન જ કરવું જોઈએ.
10 કલાક બાદ પણ કોફી શરીરમાંથી બહાર નથી નિકળી શકતી
હકીકતે કોફી પીધા બાદ કેફીન ફક્ત 15 મિનિટમાં જ એક્ટિવ કરવાનું શરૂ કરી દે છે. પરંતુ શરીરને અડધુ કેફીન ખતમ કરવામાં લગભગ ત્રણથી પાંચ કલાકનો સમય લાગે છે. ત્યાં જ 75 ટકા કેફીનને ખતમ થવામાં લગભગ છ કલાક લાગે છે. 10 કલાક સુધી પણ સંપૂર્ણ રીતે કેફીન બોડીથી બહાર નથી નિકળી શકતું. જે તમને ઘણી બીમારીઓનો શિકાર બનાવી શકે છે.
વધારે કોફી પીવાથી થઈ શકે છે આ સમસ્યાઓ
હાઈ બ્લડ પ્રેશરના દર્દી માટે વધારે કોફી પીવી ખતરનાક સાબિત થઈ શકે છે. કોફી બ્લડ પ્રેશર કાઉન્ટને વધારે છે. સાથે જ કોફીથી તમને તરત એનર્જી તો મળે છે પરંતુ તેના વધારે પડતા સેવનથી પેટ સંબંધી સમસ્યાઓ પણ વધી શકે છે. ગેસ, એસિડિટી અને ડાયેરિયા જેવી સમસ્યા થઈ શકે છે.
વધુ વાંચો: રોજે આટલી ખજૂર ખાવાની પાડી દો ટેવ, બિમારીઓ ભાગશે, ફાયદા થશે ભરપૂર
વધારે પડતી કોફી પીવાથી અનિંદ્રાની સમસ્યા થઈ શકે છે. સાથે જ તેનાથી હાડકાને પણ નુકસાન થઈ શકે છે. વધારે કોફી પીવાથી હાડકાની બીમારી ઓસ્ટિયોપોરોસિસ થવાની શક્યાતા છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
