Junagadh hit and run: જૂનાગઢમાં હિટ એન્ડ રનની ઘટનામાં ત્રણ યુવકોના કમકમાટી ભર્યા મોત નીપજ્યા છે. માણાવદર-બાંટવા વચ્ચે હિટ એન્ડ રનની ઘટના બની હતી. બાંટવાના પાજોદ ગામ પાસે મોડી રાત્રે ઇકો ગાડીએ બાઈક સવારને અડફેટે લીધા હતા. આ ઘટનામાં 28 વર્ષીય રામ,16 વર્ષીય ભરત મોરીનું અને 34 વર્ષીય હરદાસ ઓડેદરાનું મોત નીપજ્યુ છે. કાર ચાલક અકસ્માત સર્જીને નાસી છુટ્યો હતો. પોલીસે આ મામલે વધુ તપાસ હાથ ધરી છે.
ત્રણ મિત્રોની આખરી સવારી બની રહી
જૂનાગઢમાં કમકમાટી ભર્યા અકસ્માતમાં ત્રણ આશાસ્પદ યુવકોના મોતની ઘટનાએ સૌને હચમચાવી મુક્યા છે. કાર ચાલક ભાન ભુલ્યો તેના બેફામ ડ્રાઇવિંગએ બાઇક પર જતા યુવકોને અડફેટમાં લીધા હતા. અકસ્માત સર્જીને બાઇક ચાલક નાસી છુટ્યો હતો. બાટવાના પાજોદ ગામ પાસે હિટ એન્ડ રનમાં ત્રણ યુવકોના મોત થયા છે. બાઇક પર ત્રણ મિત્રોની આ સવારી જીંદગીની છેલ્લી સવારી બનીને રહી ગઇ છે. પરિવારજનોને જાણ થતા ભારે ગમગીની છવાઇ ગઇ હતી. 3 યુવકોના મોતથી પંથક શોકમગ્ન બન્યો છે. પોલીસે અજાણ્યા કારચાલકની શોધખોળ હાથ ધરી છે.
હિટ એન્ડ રનની ઘટનાઓમાં વધારો
રાજ્યમાં હિટ એન્ડ રનની ઘટનાઓમાં નોધપાત્ર વધારો થઇ રહ્યો છે. તાજેતરની વાત કરીએ તો મહેસાણાં પણ આવી ઘટના બની હતી ત્યાર બાદ અમદાવાદમાં અને જૂનાગઢમાં હીટ એન્ડ રનની ઘટના સામે આવી હતી. અગાઉ જૂનાગઢમાં સુખનાથ ચોક વિસ્તારમાં પણ આવી ઘટના બની હતી. કારચાલકે મહિલાને અડફેટે લેતાં મહિલાનું મોત નીપજ્યુ હતું. જે મામલે મૃતક મહિલાના ભાઇની ફરિયાદના આધારે પોલીસે તપાસનો ધમધમાટ શરૂ કર્યો હતો. જ્યારે પોલસી તપાસમાં સમગ્ર ઘટનામાં નવો જ વળાંક આવ્યો હતો. હિટ એન્ડ રન અકસ્માત નહીં પણ ઈરાદાથી કરેલી હત્યા હોવાનું સામે આવ્યું હતુ. આરોપીએ હત્યાને અકસ્માતમાં ખપાવવાનો પ્રયાસ કર્યો હતો.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
