પ્રેરણા / આનાથી સારી દિવાળી કોની હોઈ શકે? જે દીકરીને મા-બાપે તરછોડી તેને મળી કિન્નરોની છાયા

• માતા ગુમાવી ચકેલ બાળકીનો કિન્નરે કર્યો ઉછેર
• દાપૂ ઉઘરાવી બાળકીનો ઉઠાવ્યો તમામ ખર્ચ 

કેટલાક કિન્નરો સાથે સાથે એક યુવતી અને એક બાળકી વિશે જાણીને એ નવાઈ લાગશે કે અહે કોઈના ઘેર કિન્નરોની વધામણી નથી કે નથી ઉત્સવની ઉજવણી. હકીકતમાં આ ઘર કિન્નરોનું જ છે અને સફેદ પોશાકમા દેખાતી યુવતી અને આ બાળક પણ કિન્નરોનું જ છે. 

માતાના અવસાન બાદ કિન્નરોએ બાળકીનું કર્યું પાલન પોષણ 

તમને થોડી નવાઈ લાગશે કે કિન્નરોને વળી સંતાનો? પરંતુ વાત સાચી છે. સફેદ ડ્રેસમાં આપ જોઈ રહ્યા છો તે યુવતીનું નામ સંગીતા છે. સંગીતા જ્યારે નાની હતી ત્યારે તેની માતનું અવસાન થઈ ગયું હતું. તેની પાલનપોષણ કરનારું કોઈ ન હતું. આ સંજોગોમાં  પાયલકુંવર નામના એક કિન્નરે તેના પાલન પોષણની જવાબદારી ઉપાડી લીધી ત્યારથી માંડી આજ સુધી સંગીતાનું પાલન પોષણ આ કિન્નર સમાજ જ કરી રહ્યો છે અને સંગીતાને પણ આ પાલક માતાની એવી તો માયા લાગી ગઈ છે કે તે તેમને છોડીને ક્યાંય જવા માગતી નથી.

દાપૂ ઉઘરાવી સંગીતાનો ખર્ચ ઉઠાવે છે કિન્નર

સંગીતાને પાયલકુંવર નામના નવા પાલક  મળી ગયા છે. પાયલકુંવર સંગીતાને દિલ્હીથી સુરત લઈ આવ્યા અને સુરતમાં તેનું ભણતર અને ગણતર શરૂ કરાયું, અન્ય બાળકોની જેમ જ સંગીતાએ પોતાનું શાળાકીય શિક્ષણ પૂરું કર્યું. પાયલકુંવર સુરતમાં જુદા જુદા વિસ્તારોમાં ફરીને દાપૂ ઉઘરાવી ને જીવન નિર્વાહ કરે છે. 

દાપૂ ઉઘરાવી જે રકમ મળે તેમાંથી પોતાના ઉપરાંત સાથી ઓના જીવન નિર્વાહ ની સાથે સાથે સંગીતાનો ઉછેર કરી રહી છે અને તેના માતા અને પિતાની બેવડી ફરજ અદા કરે છે. એટલું જ નહીં પાયલ કુંવરે એક અન્ય સંતાન પણ દત્તક લીધું છે. 

 

સમાજને ચિધ્યો રાહ 

જો કે આ વાત આપણે સમજીએ એટલી સરળ ન હતી અને નથી, કિન્નરો સમાજનો એક ભાગ છે પણ મોટા ભાગે સમાજ તેને પોતાના હિસ્સા તરીકે સ્વીકારતો નથી જેના કારણે સમાજનો તેઓ એક અછૂત વર્ગ બની રહે છે, જોકે પાયલકુંવર દ્વારા આ બાબતને ગણકાર્યા વીના સંગીતાનો ઉછેર કર્યો છે. તેમની આ સેવા સમાજને પોતાને નવી નજરે જોવાનું કહી રહી છે.