Health Tips / અનેક બીમારીઓનો રામબાણ ઇલાજ એટલે ઘઉંનું ઘાસ, આજથી કરો ડાયટમાં સામેલ, પોષક તત્વોથી છે ભરપૂર

• આ બિમારીઓ માટે રામબાણ છે વ્હીટગ્રાસ
• પોષક તત્વોનો ખજાનો હોય છે વ્હીટગ્રાસ
• આજથી કરો ડાયટમાં સામેલ

વ્હીટગ્રાસ એટલે કે ઘઉંના નાના અંકુરીત થયેલા છોડ એક સુપરફૂડ માનવામાં આવે છે. વ્હીટગ્રાસને સામાન્ય રીતે ઘઉંના જવારા પણ કહેવામાં આવે છે. તેમાં વિટામિન-A, વિટામિન-C અને વિટામિન-E, પ્રોટીન, કેલ્શિયમ, આયર્ન, મેગ્નેશિયમ જેવા પોષક તત્વો મળી આવે છે. તેમાં ક્લોરોફિલ પણ મળી આવે છે. મોટાભાગના લોકો તેનું સેવન જ્યુસ કે પાઉડરના રૂપમાં કરે છે. વ્હીટગ્રાસનું સેવન કરવાના ખૂબ ફાયદા છે.

વજન કરે છે ઓછુ 
વ્હીટગ્રાસનું સેવન કરવાથી વજન ઓછુ કરવામાં મદદ મળે છે. વ્હીટગ્રાસમાં વધારે ફાઈબર અને કેલેરીનું પ્રમાણ ઓછુ હોય છે. જેનાથી વધારે સમય સુધી પેટ ભરાયેલું રહે છે. તેના સેવન બાદ ભૂખ ઓછુ લાગે છે. જેનાથી વજન નિયંત્રિત રહે છે. આ પાચન તંત્ર માટે પણ સારૂ છે. 

બોડી ડિટોક્સ 
વ્હીટગ્રાસ શરીરને ડિટોક્સીફાઈ કરવામાં મદદ કરે છે. વ્હીટગ્રાસના સેવનથી શરીરમાં રહેલા ઝેરી પદાર્થ બહાર આવી જાય છે જેનાથી શરીર સારી રીતે કામ કરે છે. 

લોહીની કમી થશે દૂર 
વ્હીટગ્રાસના સેવનથી શરીરમાં હીમોગ્લોબિન લેવલમાં રહે છે. તેમાં આયર્ન વધારે પ્રમાણમાં હોય છે જેનાથી લોહીની કમી દૂર થાય છે અને એનીમિયાની બીમારીથી બચી શકાય છે. 

કબજીયાતથી રાહત 
વ્હીટગ્રાસના સેવનથી કબજીયાતમાં પણ રાહત મળે છે. તેમાં ફાઈબર અને મેગ્નેશિયમ વધારે પ્રમાણમાં હોય છે. જેનાથી ડાયજેશન સારૂ રહે છે. 

બ્લડ શુગર રહે છે કંટ્રોલમાં 
ડાયાબિટીસના દર્દી માટે વ્હીટગ્રાસ ખૂબ જ ફાયદાકારક છે. વ્હીટગ્રાસ કાર્બોહાઈડ્રેટને શરીરમાં અબ્સોર્બ કરવાથી રોકે છે. જેનાથી બ્લડ શુગર લેવલ કંટ્રોલમાં રહે છે. 

કેન્સરથી પણ બચાવે છે
વ્હીટગ્રાસ કેન્સર જેવી ગંભીર બીમારીઓને રોકવા માટે મદદ કરે છે. કહેવાય છે કે તેમાં હાજર ક્લોરોફિલ ફ્રી રેડિકલ અને રેડિએશનથી થતા નુકસાનથી બચી શકાય છે.