- ટીમ ઈન્ડિયાને 5 રનથી હારનો સામનો કરવો પડ્યો હતો
- મેચ બાદ કેપ્ટન હરમનપ્રીત કૌર રડી પડી
- ICCએ શેર કર્યો વિડીયો
ભારતીય મહિલા ક્રિકેટ ટીમ ફરી એકવાર વર્લ્ડ ચેમ્પિયન બનવાથી ચૂકી ગઈ છે. જણાવી દઈએ કે T20 વર્લ્ડ કપની સેમિફાઇનલમાં ટીમ ઈન્ડિયાને ઓસ્ટ્રેલિયા સામે હારનો સામનો કરવો પડ્યો હતો. ગઇકાલની એ મેચ ઘણી રોમાંચક હતી. એક સમયે જીતની નજીક પંહોચેલ ટીમ ઈન્ડિયાને 5 રનથી હારનો સામનો કરવો પડ્યો હતો.
મેચ બાદ હરમનપ્રીત કૌર રડી પડી
વર્લ્ડ ચેમ્પિયનની સેમિફાઇનલ મેચમાં બીમાર હોવા છતાં મેદાન પર બેટ વડે તોફાની ઈનિંગ રમનાર કેપ્ટન હરમનપ્રીત કૌર મેચ બાદ પોતાની લાગણીઓ પર કાબૂ રાખી શકી ન હતી અને મેચ બાદ ટીમ ઈન્ડિયાની પૂર્વ કેપ્ટન અંજુમ ચોપરાને ગળે મળીને રડતી જોવા મળી હતી. જો કે ટીમ ઈન્ડિયાના દરેક સભ્યોની આવી જ હાલત હતી. હાલ સોશ્યલ મીડિયા પર હરમનપ્રીત કૌરનો રડતો વિડીયો ખૂબ વાયરલ થઈ રહ્યો છે.
ICCએ શેર કર્યો વિડીયો
જણાવી દઈએ કે મેચ પછીની એ પળનો વિડિયો ICCએ તેના ઈન્સ્ટાગ્રામ પેજ પર શેર કર્યો છે. હાલ વાયરલ થયેલ એ વીડિયોમાં જોવા મળી રહ્યું છે કે ટીમ ઈન્ડિયાની કેપ્ટન હરમનપ્રીત કૌર સિનિયર પાર્ટનર અને ટૂર્નામેન્ટમાં હિન્દી કોમેન્ટ્રી કરી રહેલી અંજુમ ચોપરાને ગળે લગાવીને રડી રહી હતી. જો કે આ સાથે અંજુમની પણ આવી જ સ્થિતિ હતી. વિડીયોમાં જોવા મળી રહ્યું છે કે જ્યારે ટીમ ઈન્ડિયાની હાર થઈ ત્યારે અંજુમ ચોપરા એટલી દુઃખી હતી કે ક તેના મોઢામાંથી શબ્દો જ નીકળી શક્યા ન હતા.
અંજુમ ચોપરાએ હરમનપ્રીત કૌર વિશે કહી આ વાત
હાલ વાયરલ થયેલ વિડીયોમાં જોવા મળી રહ્યું છે કે અંજુમ ચોપરા સતત આંખો મીંચીને પોતાના આંસુને રોકવાનો પ્રયત્ન કરી રહી હતી અને જ્યારે એમને હરમન વિશે પૂછવામાં આવ્યું એ સમયે તેને કહ્યું કે એ બસ ટીમ ઈન્ડિયાની કેપ્ટનને ઈમોશનલ સપોર્ટ કરવા માંગતી હતી. મેચ પહેલાથી જ હરમનની તબિયત ખરાબ હતી એ છતાં તે રમી. જો બીજી કોઈ મેચ હોત તો તે શેડ તેમ ભાંગ ન લેટ પણ સેમિફાઇનલ હતું એટલા માટે તે મેચનો હિસ્સો બની હતી.
હું નથી ઇચ્છતી કે દેશના લોકો મને રડતા જુએ
વર્લ્ડ કપ સેમિફાઈનલમાં હાર બાદ ટીમ ઈન્ડિયાની કેપ્ટન હરમનપ્રીત કૌરે કહ્યું કે 'હું નથી ઇચ્છતી કે દેશના લોકો મને રડતા જુએ એટલા માટે મેં સનગ્લાસ પહેર્યા છે. હું વચન આપું છું કે અમે વધુ મહેનત કરીશું અને દેશને ફરીથી આ રીતે નિરાશ નહીં થવા દઈએ'
જણાવી દઈએ કે મેચમાં પહેલા બેટિંગ કરતા ઓસ્ટ્રેલિયાએ 20 ઓવરમાં 4 વિકેટે 172 રન બનાવ્યા હતા અને તેની સામે ટીમ ઈન્ડિયા 8 વિકેટના નુકસાને 167 રન બનાવી શકી હતી.
