આસ્થાના દ્વાર / મંગળવારથી કેમ્પના હનુમાન થશે ભાવિકો સામે હાજરા-હજૂર, ભીડ નિયંત્રિત કરવા મંદિર ટ્રસ્ટ કરશે કવાયદ

• મંગળવારથી કેમ્પ હનુમાન મંદિર ખુલશે 
• કોરોના સંક્રમણ ઘટતા લેવાયો  નિર્ણય 
• ભીડ ન થાય તે માટે ખાસ વ્યવસ્થા થશે 

અમદાવાદનું પ્રખ્યાત કેમ્પ હનુમાન મંદિર ફરી ખોલવાનો નિર્ણય લેવામાં આવ્યો છે. આવતીકાલથી દર્શનાર્થીઓ માટે મંદિર ખુલ્લું મુકાશે. કોરોનાનું સંક્રમણ ઘટતા ટ્રસ્ટી મંડળે બેઠક બાદ મંદિર ખોલવાનો નિર્ણય લીધો છે. કોવિડ ગાઈડલાઈનના અમલીકરણ સાથે થઈ દર્શન કરી શકાશે. ઉલ્લેખનીય છે કે કોરોનાના કેસ વધતા મંદિર બંધ રાખવાનો નિર્ણય લેવાયો હતો. દર્શનાર્થીઓની ભીડ ન થાય તે માટે ખાસ વ્યવસ્થા ગોઠવવામાં આવશે.

જાન્યુઆરીના મધ્યભાગમાં દેશમાં કોરોનાનાં રોજના બબ્બે લાખ કેસ નોંધાઈ રહ્યા હતા. ગુજરાત રાજ્યમાં પણ રોજના 10 હજારથી વધુ કેસ નોંધાઈ રહ્યા હતા  ત્યારે હવે ફરી નિયંત્રણો વધારવામાં આવ્યા હતા 

કોરોનાના વધતા કેસના પગલે રાજ્યભર વિવિધ મંદિરોને એક દિવસથી લઈને એક અઠવાડિયાથી વધુ સમય સુધી  બંધ કરવામાં આવ્યા હતા. અમુક મંદિરોમાં ઓનલાઈન પૂજા અર્ચના કરી શકાય તે પ્રકારની વ્યવસ્થા કરવામાં આવી હતી 

કોરોના કારણે અમદાવાદના શાહીબાગમાં વિસ્તારમાં આવેલું કેમ્પ હનુમાન મંદિર ટ્રસ્ટ દ્વારા તારીખ 31 જાન્યુઆરી, 2022 સુધી મંદિર બંધ રાખવાનો નિર્ણય લેવામાં આવ્યો હતો. જો કે,શહેરમાં કોરોના વધતું જતું સંક્રમણ અને આર્મી કેંટોલમેન્ટમાં કોવિડ કેસ હોવાથી તેમજ શનિવારે મંદિર ખાતે દર્શનાર્થીઓની ભીડ થતાં મંદિર ટ્રસ્ટ દ્વારા અગામી 7મી ફેબ્રુઆરી પુનઃ મંદિરમાં દર્શનાર્થીઓ માટે પ્રતિબંધ લાદ્યવામાં આવ્યો હતો.