નિર્ણય / ગુજરાતમાં કોરોના સંકટ સામે સરકારે લીધો વધુ એક મોટો નિર્ણય, મેડિકલ સ્ટાફને થશે મદદ

• કોરોના સામેની લડાઇમાં NSSની લેવાશે મદદ
• NSSના કેડેટને સોંપાશે જવાબદારી
• 2.65 લાખ કેડેટને જવાબદારી સોંપાશે

કોરોના સામે લડાઈમાં મદદરૂપ થવા NSSની મદદ લેવાશે

ગુજરાતમાં કોરોના વાયરસના કેસ સતત વધી રહ્યા છે. છેલ્લા 2 4 દિવસથી રાહત મળી રહી છે પરંતુ કેસની સંખ્યામાં વધારો સતત આવી રહ્યો છે. રાજ્યના મોટા ભાગના તબીબો કોરોના વાયરસ આવ્યો ત્યારથી જ સેવા આપી રહ્યા છે અને હવે કેન્દ્ર સરકારે ચેતવણી આપી છે કે કોરોના વાયરસની ત્રીજી લહેર આવી શકે છે ત્યારે હેલ્થ વિભાગનો સ્ટાફ ઓછો પડી રહ્યો છે. 

NSSના કેડેટને કોરોના દર્દીની સહાય માટે જવાબદારી સોંપાશે

ગુજરાતમાં કોરોના વાયરસ સામે ઊભી કરવામાં આવેલ વ્યવસ્થામાં હેલ્થ વિભાગ સિવાયના ઘણા બધા કર્મચારીઓ તથા લોકોની મદદ લેવામાં આવી રહી છે. રાજ્યમાં શિક્ષકો, પ્રોફેસરો તથા તલાટી સહિતના ઘણા બધા કર્મચારીઓની કોરોના વાયરસમાં ડ્યુટિ લગાવવામાં આવી છે ત્યારે હવે ગુજરાતમાં કોરોના વાયરસ સામે લડવા માટે NSSના કેડેટને પણ જવાબદારી સોંપવામાં આવશે. 

હેલ્પ, ડેસ્ક મેનેજમેન્ટ, ડેટા એન્ટ્રીની જવાબદારી સોંપાશે

કોરોના વાયરસ સામે વ્યવસ્થામાં મદદ લેવા માટે હવે NSSની મદદ લેવામાં આવશે. NSS કેડેટને કોરોના વાયરસના દર્દીઓની સહાય માટે જવાબદારી સોંપવામાં આવશે. રાજ્યમાં 2.65 લાખ કેડેટને આ જવાબદારી આપવામાં આવશે. રાજ્યમાં મેડિકલ સ્ટાફની અછત હોવાના કારણે નિર્ણય લેવામાં આવ્યો છે જેમાં આ કેડેટ્સણે હેલ્પ, ડેસ્ક મેનેજમેન્ટ, ડેટા એન્ટ્રી તથા રજિસ્ટ્રેશન મેનેજમેન્ટ સહિતની જવાબદારી સોંપવામાં આવી શકે છે.