નિવેદન / ગુજરાતમાં 1.23 લાખ ડેથ સર્ટિફિકેટ ઇશ્યૂ થવા મામલે સરકારે આપ્યો ખુલાસો, જુઓ શું કહ્યું

• કોરોનાના મૃત્યુઆંકને લઈને પ્રદીપસિંહનુ નિવેદન
• સરકાર નથી છુપાવી રહી મરણના આંકડા
• SOP પ્રમાણે મૃત્યુઆંક ગણાય છેઃ પ્રદીપસિંહ

મોતના આંકડા સરકાર છુપાવી રહી છે તે વાત તદ્દન ખોટી છે : પ્રદીપસિંહ

ગુજરાતમાં કોરોના વાયરસની બીજી લહેર ચાલી રહી છે અને આ લહેરમાં દરરોજ હજારો લોકો વાયરસની ઝપેટમાં આવી રહ્યા છે. કોરોના વાયરસના કારણે સતત વધતાં કેસની વચ્ચે સરકાર પર અવારનવાર મોતના આંકડા છુપાવવાના આક્ષેપ લાગ્યા છે. સ્મશાનોમાં કોવિડ પ્રોટોકોલ અનુસાર થતાં અંતિમ સંસ્કાર તથા સરકારના આંકડાઓમાં પણ તફાવત જોવા મળે છે ત્યારે હાલમાં  જ ડેથ સર્ટિફિકેટને લઈને જે મામલો સામે આવ્યો હતો તેને લઈને સરકાર તરફથી સ્પષ્ટતા કરવામાં આવી છે. 

અખબારી અહેવાલમાં બતાવેલા આંકડા અયોગ્ય છે : પ્રદીપસિંહ

ગુજરાત સરકાર તરફથી રાજ્યના ગૃહરાજ્યમંત્રી પ્રદીપસિંહ જાડેજા સામે આવ્યા અને આખા મામલે સ્પષ્ટતા આપતા જણાવ્યું કે કોરોના વાયરસથી થતી મોત મામલે એક ચોક્કસ રેપોર્ટિંગ માટે સિસ્ટમ ઊભી કરવામાં આવી છે જેના આધારે જ નક્કી કરવામાં આવે છે. દેશના તમામ રાજ્યોમાં જે પદ્ધતિ છે તે જ પદ્ધતિને ગુજરાત સરકાર અનુસરે છે. 

કોવિડમાં મોતના કેસમાં અન્ય રાજ્યોની પદ્વતિ પ્રમાણે ગુજરાતમાં ગણતરી થાય છે : પ્રદીપસિંહ

ડેથ સર્ટિફિકેટને લઈને મીડિયામાં આવેલા અહેવાલોને ફગાવતા પ્રદીપસિંહ જાડેજાએ કહ્યું કે આ હકીકતથી તદ્દન જુદા અને આધારીન સમાચાર છે. ડેથ સર્ટિફિકેટને આધાર બનાવીને મૃત્યુની સંખ્યા ગણવામાં આવે તે યોગ્ય નથી તેમજ તેની સરખામણી કોરોનાથી થયેલા મૃત્યુ સાથે કરવામાં આવે તો તે અયોગ્ય છે.  

પ્રદીપસિંહે કહ્યું કે સરકાર મોતના આંકડાઓ છુપાવે છે તે તદ્દન ખોટી વાત છે.  ઇશ્યૂ થયેલા મરણ દાખલાની સાથે મરણ આંકમાં તફાવત પણ હોય શકે છે જ્યારે ઘણા કિસ્સામાં મોતની નોંધણી પણ રહી જતી હોય છે કારણે કે લોકો તાત્કાલિક મરણની નોંધણી કરાવી શકતા નથી. અખવારી યાદીમાં જે આંકડાઓ આપાવામાં આવ્યા છે તેનામાં પણ ચોકકસતા નથી. પ્રદીપસિંહે કહ્યું કે મીડિયામાં આંકડા આપવામાં આવ્યા કે માર્ચ-એપ્રિલ 2020માં કુલ 44943 સર્ટિફિકેટ ઇશ્યુ થયા પરંતુ સાચો આંકડો તો 64 હજાર કરતા વધુ છે. પ્રદીપસિંહે વધુમાં કહ્યું કે આ દાખલા કોઇ એક જ કારણથી મૃત્યુ થયેલા હોય તેના સર્ટિફિકેટ નથી અને