SHORT & SIMPLE / નસવાડી તાલુકાની સૌથી મોટી ગણાતી કડુજી એન્ડ કંપનીમાં GSTના દરોડા, કલાકો સુધી ચાલ્યું સર્ચ ઓપરેશન

• નસવાડીમાં GST વિભાગના દરોડા
• કલાકો સુધી ચાલ્યુ સર્ચ ઓપરેશન
• કડુજી એન્ડ કંપનીમાં GSTના દરોડા

છોટાઉદેપુરનાં નસવાડીમાં GST વિભાગ દ્વારા દરોડા પાડવામાં આવ્યા છે. ત્યારે નસવાડી ટાઉન વિસ્તારની કડુજી એન્ડ કંપનીમાં GST ના દરોડા પડ્યા હતા. અચાનક GST  વિભાગ દ્વારા આ તાલુકાની સૌથી મોટી ગણાતી કંપનીમાં તપાસ હાથ ધરતા કરચોરોમાં ફફડાટ વ્યાજ જવા પામ્યો હતો. કડુજી એન્ડ કંપનીમાં કલાકો સુધી સર્ચ ઓપરેશન ચાલ્યું હતું.

જીએસટી ટીમ દ્વારા કંપનીમાં કલાકો સુધી ચાલ્યુ સર્ચ ઓપરેશન
છોટાઉદેપુરમાં નસવાડી વિસ્તારમાં રિફાઈન્ડ સોયાબીન તેલ, મસૂર દાળ અને મગની દાળના જથ્થાબંધ વેપારી કડુજી એન્ડ કંપનીમાં સવારનાં સુમારે અચાનક જીએસટી વિભાગની ટીમ ત્રાટકી હતી. ત્યારે જીએસટી વિભાગ દ્વારા તાલુકાના સૌથી મોટા જથ્થાબંધ વેપારીને ત્યાં અચાનક ચેકીંગ હાથ ધરતા અન્ય વેપારીમાં ફફડાટ ફેલાઈ જવા  પામ્યો હતો. જીએસટી ટીમ દ્વારા કંપનીમાં કલાકો સુધી સર્ચ ઓપરેશન હાથ ધર્યું હતું. ત્યારે અચાનક પડેલી જીએસટી વિભાગની રેડથી વેપારી આલમમાં ફફડાટ ફેલાઈ જવા પામ્યો હતો. હાલ જીએસટી વિભાગનાં અધિકારીઓ દ્વારા તપાસ ચાલી રહી છે.