વાવાઝોડું ઈફેક્ટ / બિપોરજોય વાવાઝોડાના કારણે GPSCની 19 જૂને લેવાનારી પરીક્ષા મોકૂફ, પરિપત્ર જાહેર

• GPSC દ્વારા લેવાનાર મદદનીશ વન સંરક્ષકની પરીક્ષાના બે પેપર મોકૂફ
• બિપોરજોય વાવાઝોડાને કારણે બે પેપર કરાયા મોકૂફ
• બાકીનાં ત્રણ પેપરની લેખિત પરીક્ષા યથાવત રાખવામાં આવી છે

બિપોરજોય વાવાઝોડાને લઈને સમગ્ર ગુજરાતમાં એલર્ટ આપવામાં આવ્યું છે. ત્યારે ગુજરાત જાહેર સેવા આયોગ દ્વારા તા. 19,21 અને 23 જૂનનાં રોજ મદદનીશ વન સંરક્ષક વર્ગ-2 ની પરીક્ષા (લેખિત) લેવાનું આયોજન કરવામાં આવ્યું હતું. પરંતું બિપોરજોય વાવાઝોડાને લઈને તા. 19 ના રોજ લેવાનારી પરીક્ષે (પેપર-1 અને 2) મોકૂફ રાખવામાં આવેલ છે. જ્યારે તા. 21 અને 23 જૂનનાં રોજ યોજાનાર પેપર 3,4 અને 5 ની પરીક્ષા યથાવત રાખવામાં આવેલ છે. તેમજ મોકૂફ રાખેલ પરીક્ષા બાબતે આયોગ દ્વારા ટૂંક સમયમાં વેબસાઈટ પર તારીખ જાહેર કરવામાં આવશે. જેની સંબંધિત ઉમેદવારોએ નોંધ લેવા સંયુક્ત સચિવ, ગુજરાત જાહેર સેવા આયોગ, ગાંધીનગરની યાદીમાં જણાવાયું છે.

Important Notice, Advt. No. 12/2022-23, Assistant Conservator of Forest, Class-2 regarding Postponement of the Paper-1 & Paper-2 only of the Mains Written Examination to be held on 19.06.2023. Other Papers (Paper-3, 4 & 5) will be taken as scheduled https://t.co/nEJlw17eqQ

— GPSC (@GPSC_OFFICIAL) June 15, 2023

રાજ્ય પરીક્ષા બોર્ડ દ્વારા ઉચ્ચ પ્રાથમિક શાળામાં ધોરણ-6 થી 8માં પ્રાથમિક શિક્ષક/વિદ્યાસહાયક તરીકે નિમણૂંક મેળવવા માટે જરૂરી એવી શિક્ષક અભિરૂચિ કસોટી-2 (ટેટ-2) પરીક્ષાનું તા.23/04/2023ના રોજ આયોજન કરવામાં આવ્યું હતુ, જે પરીક્ષાનું પરિણામ જાહેર કરાયું છે.

જે પૈકી ૧૫.૭૬% એટલે કે ૩૭૪૫૦ ઉમેદવારો પાસ થયેલ છે. તમામ ઉમેદવારો પોતાનું પરિણામ રાજ્ય પરીક્ષા બોર્ડની વેબસાઈટ https://t.co/V5SkoJOGbm પરથી જોઈ શકશે.(2/2)

— Dr. Kuber Dindor (@kuberdindor) June 15, 2023

sebexam.org પર પરિણામ જોઈ શકાશે

શિક્ષક અભિરૂચિ કસોટી-2 (ટેટ-2) પરીક્ષા કુલ 2,37,700 ઉમેદવારોએ આ પરીક્ષા આપી હતી, જે પૈકી 15.76% એટલે કે 37,450 ઉમેદવારો પાસ થયા છે. તમામ ઉમેદવારો પોતાનું પરિણામ રાજ્ય પરીક્ષા બોર્ડની વેબસાઈટ sebexam.org પરથી જોઈ શકાશે.