વડોદરા શહેરમાં મટકી ફોડ કાર્યક્રમ દરમિયાન નીચે પટકાતાં અને રાજકોટના લોકમેળામાં રાઇડની મોજ માણતી વેળાએ નીચે ખાબકતાં યુવાનને ગંભીર ઇજા થવા પામી હતી.
વડોદરામાં મટકી ફોડ કાર્યક્રમ દરમિયાન દુર્ઘટના ઘટી
કોર્પોરેશન દ્વારા આયોજીત મટકી ફોડ સ્પર્ધામાં ઘટી દુર્ઘટના
મટકી ફોડતા સમયે ગોવિંદા નીચે પટકાયો
કૃષ્ણ જન્મોત્સવની ઉજવણી નિમિતે વડોદરામાં કોર્પોરેશન દ્વારા મટકી ફોડ કાર્યક્રમ યોજાયો હતો. આ વેળાએ દુર્ઘટના ઘટી હતી જેમાં મટકી ફોડતા સમયે ગોવિંદા નીચે પટકાંતા તેને માથાના ભાગે ગંભીર ઇજા થવા પામી હતી.
યુવકને માથાના ભાગે ગંભીર ઈજા
જન્માષ્ટમીના તહેવારને લઈ દેશભરમાં ધામધૂમથી ઉજવણી કરવામાં આવી રહી છે. કૃષ્ણના જન્મોત્સવને પગલે ભક્તોમાં અનેરો થનગનાટ જોવા મળી રહ્યો છે. ત્યારે વડોદરા ખાતે પણ મટકી ફોડ કાર્યક્રમનું ભવ્ય આયોજન કરવામાં આવ્યું હતું. આ ધાર્મિક કાર્યક્રમ દરમિયાન દુર્ઘટના બની હોવાનું સામે આવ્યું છે. વડોદરા કોર્પોરેશન દ્વારા આયોજિત મટકી ફોડ સ્પર્ધા યોજાઇ હતી. મટકી ફોડવા પિરામિડ બનાવવામાં આવ્યો હતો. ત્રણ સતરના પિરામિડમાં મટકી ફોડવા ચડતી વેળાએ યુવાનનો પગ સ્લીપ થતાં બેલેન્સ ગુમાવ્યું હતું અને એકા એક યુવાન જામીન પર પટકાયો હતો. આ દરમિયાન યુવકને માથાના ભાગે ગંભીર ઈજા પહોંચી હતી. જે ને લીધે આયોજન સ્થળે નાશભાગ મચી ગઇ હતી અને લોકોના જીવ તાળવે ચોંટયા હતા. ત્યારબાદ ઇજાગ્રસ્ત યુવાનને તાત્કાલીક સારવાર અર્થે ખસેડવામાં આવ્યો હતો.
રાજકોટ લોકમેળામાં રાઇડમાંથી એક યુવક નીચે પટકાયો
તો જન્માષ્ટમીના તહેવાર પર વધુ એક દુર્ઘટના રાજકોટના લોકમેળામાં બની હતી. મેળામાં રાઇડની મોજ માણી રહેલો યુવાન નીચે પટકાતા યુવકને ગંભીર ઇજા પહોંચી હતી. ટોરાટોરા બ્રેક ડાન્સ રાઈડમાંથી યુવક બેઠો હતો. જે સમયે રાઈડનું લોક ખોલી જતાં યુવક અચાનક નીચે ખબક્યો હતો. જેમાં યુવાનને ગંભીર ઇજા થવા પામી હતી. બીજી તરફ આ અંગે જાણ થતાં લોકના ટોળેટોળા એકઠા થઇ ગયા હતા અને યુવકને સારવાર માટે તાબડતોબ સિવિલ હોસ્પિટલ ખાતે ખસેડવામાં આવ્યો હતો.