તક / ઘરે બેઠા સારી કમાણીનો મોકો, સરકાર આપી રહી છે નાણાકીય મદદ: આ રીતે બનાવો EV ચાર્જિંગ સ્ટેશન

• ભારતમાં ઇલેક્ટ્રોનિક કારની માંગમાં મોટા પાયે ઉછાળો
• વાહનોમાં ચાર્જ કરવા માટેનું મજબૂત ઇન્ફ્રાસ્ટ્રકચરની ખામી

ભારતમાં ઇલેક્ટ્રોનિક કારની માંગમાં મોટા પાયે ઉછાળો આવી રહ્યા છે. પરંતુ આ કારના ચાર્જ કરવા બાબતની સમસ્યા સતાવી રહી છે. ખરેખર દેશમાં ઇલેક્ટ્રોનિક વાહનોને ચાર્જ કરવા માટેનું મજબૂત ઇન્ફ્રાસ્ટ્રકચરની ખામી જોવા મળી રહે છે. પેટ્રોલ પંપ અથવા સીએનજી સ્ટેશનની જેમ દરેક જગ્યાએ એવી ચાર્જિંગ સ્ટેશન જોવા મળવા મુશ્કેલ છે. આ સમસ્યાને દૂર કરવા માટે સરકાર દ્વારા ઘણી યોજનાઓ પણ લાવવામાં આવી છે ત્યારે ખાનગી ઇવી ચાર્જિંગ પોઇન્ટ ઉભા કરવા સબસીડી પણ આપવામાં આવી રહી છે.

ઘરે બેસીને પણ નાણા કમાઈ  શકો છો

દિલ્હી સરકાર દ્વારા EV ચાર્જિંગ પોઈન્ટ બનાવવા માટે સબસિડી આપવામાં આવી રહી છે, ઓછા ખર્ચે EV ચાર્જિંગ પોઈન્ટ સેટ કરીને ઇલેક્ટ્રિક વાહનોને ચાર્જ કરવાની સેવા આપી તેનાં બદલામાં નાણા કમાઈ શકો છો. જેને પરિણામે તમે ઘરે બેસીને પણ નાણા કમાઈ  શકો છો. દિલ્હી સરકાર દ્વારા ચાર્જ પોઈન્ટ ઉભો કરવા માટે 6,000 રૂપિયા સુધીની સબસિડી અપાઈ રહી છે. ખાસ વાતએ છે કે, આ ચાર્જિંગ પોઈન્ટ સેટ કરવા માટે લગભગ 9,000 રૂપિયાનો ખર્ચ થાતો  હોવાનું આનુંમાન  લગાવાઈ રહ્યું છે. એટેલ સીધી વાતે એ છે કે તમારે EV ચાર્જિંગ પોઈન્ટ બનાવવા માટે લગભગ 3,000 રૂપિયાનું રોકાણ કરવું પડે તેમ છે. 

મંજૂરી બાદ 15 દિવસમાં EV ચાર્જિંગ પોઈન્ટ સ્થાપિત કરાશે

ઓફલાઇનમાં સ્થાનિક ડિસ્કોમ કંપનીનો સંપર્ક કરવો જોઈએ. બાદમા EV ચાર્જિંગ પોઈન્ટ કંપનીઓના વિકલ્પો મામલે માર્ગદર્શન આપવામાં આવી શકે છે. પછી, EV ચાર્જિંગ પોઈન્ટ કંપનીઓનો સંપર્ક કરવો જરૂટી બને છે અને મંજૂરી બાદ 15 દિવસમાં EV ચાર્જિંગ પોઈન્ટ સ્થાપિત કરવામાં આવશે.ઑનલાઇન પદ્ધતિમાં  ડિસ્કોમની વેબસાઇટ પર લિંક પર ક્લિક કરી ગ્રાહક એકાઉન્ટ નંબર બનાવી લોગિન કરવામાં આવે છે. બાદમા મોબાઈલ નંબર દાખલ કરી ચાર્જરનો પ્રકાર પસંદ કરવામાં આવે છે. બાદમાં પસંદગીની કંપની અને ID પ્રૂફ અપલોડ કરી તેને સાચવવાનું હોય છે. તે જ રીતે એક સ્લિપ જનરેટ કરવામાં આવશે, તેને પણ સાચવી રાખવા આવે છે. બાદમાં કંપનીના કર્મચારીઓ સંપર્ક કરીને ઇન્સ્ટોલેશન પ્રક્રિયા પૂર્ણ કરશે.