ધર્મ / જો તમારા ઘરમાં પણ હોય શ્રીમદ ભગવદ ગીતા તો ખાસ જાણી લેજો આ નિયમો, પાલન ન કર્યું તો પાપ લાગવાની છે માન્યતા

• આજે  મોક્ષદા અગિયારસ છે
• ગીતાના પાઠ કરવાથી તમામ કાર્ય સફળ થાય છે
• ઘરે  શ્રીમદ ભગવત ગીતા હોય તો નિયમોનું પાલન કરવું જરૂરી 

આજે મોક્ષદા અગિયારસ છે. મોક્ષદા અગિયારસની સાથે ગીતા જયંતિ ઊજવવામાં આવે છે. શ્રીકૃષ્ણ અને અર્જુન વચ્ચે થયેલ સંવાદ ગીતામાં જણાવવામાં આવ્યો છે.  શ્રીમદ ભગવત ગીતા એકમાત્ર એવો ગ્રંથ છે, જેની ઉત્પત્તિ શ્રીકૃષ્ણના મુખેથી થઈ છે. માગશર માસની શુક્લ પક્ષની એકાદશીએ ભગવાન શ્રીકૃષ્ણએ અર્જુનને ગીતાનો ઉપદેશ આપ્યો હતો. આ દિવસે ગીતાના પાઠ કરવાથી તમામ કાર્ય સફળ થાય છે. સુખ અને સંપન્નતા પ્રાપ્ત થાય છે. શાસ્ત્રો અનુસાર ઘરે  શ્રીમદ ભગવત ગીતા હોય તેમણે કેટલાક નિયમોનું પાલન કરવું જોઈએ, નહીંતર જીવનમાં અનેક પ્રકારની પરેશાની આવી શકે છે. 

ઘરમાં ગીતા રાખવાથી શું થાય છે?
શ્રીમદ ભગવત ગીતા એક પવિત્ર ગ્રંથ છે. માનવામાં આવે છે કે, ઘરમાં આ ગ્રંથ રાખવાથી ઘરમાં સકારાત્મક ઊર્જાનો સંચાર થાય છે. નિયમિતરૂપે શ્રીમદ ભગવત ગીતાનું પઠન કરવાથી પરિવારમાં એકતા, સુખ અને સમૃદ્ધિનો વાસ થાય છે. શ્રીમદ ભગવત ગીતામાં ધર્મ, કર્મ, નીતિ, સફળતા અને સુખનું રહસ્ય છુપાયેલું છે, જેનું પઠન કરવાથી તમામ સમસ્યાનું નિવારણ મળી રહે છે. ગીતાનું પઠન કરવાથી માનસિક પરેશાની, ગૃહ કલેશથી મુક્તિ, વિરોધીઓનો સામનો કરવા માટેની શક્તિ પ્રાપ્ત થાય છે અને વાસ્તવિકતાનો પરિચય કરાવે છે. ગીતા જયંતિના દિવસે ગીતાના પાઠ કરવાથી અને હવન કરવાથી વાસ્તુ દોષ દૂર થાય છે.

શ્રીમદ ભગવત ગીતા રાખવાના નિયમ

•  શ્રીમદ ભગવત ગીતા એક પવિત્ર ગ્રંથ છે. આ ગ્રંથ રાખવા માટે અને તેના પાઠ કરતા સમયે કેટલીક બાબતોનું ખાસ ધ્યાન રાખવું જોઈએ.  શ્રીમદ ભગવત ગીતા સ્વચ્છ અને પવિત્ર સ્થળ પર જ રાખવી જોઈએ. 
• શ્રીમદ ભગવત ગીતા જમીન પર રાખીને ના વાંચવી જોઈએ. ગીતા રાખવા માટે પૂજા ચૌકી અથવા લાકડીના સ્ટેન્ડનો ઉપયોગ કરવો. ગીતા હંમેશા લાલ કપડામાં બાંધીને રાખવી. 
• નહાયા વગર, ખરાબ હાથથી ગીતાને સ્પર્શવું ના જોઈએ. નહીંતર વ્યક્તિ પાપનો ભાગી બને છે. માનસિક અને આર્થિક તણાવ થાય છે. 
• ગીતાનું પઠન કરવા માટે પોતાના જ આસનનો ઉપયોગ કરવો. અન્ય વ્યક્તિના આસનનો ઉપયોગ ના કરવો. ગીતાના પાઠ શરૂ કરતા પહેલા ભગવાન ગણેશ અને શ્રીકૃષ્ણનું સ્મરણ કરવું. 
• દિવસમાં કોઈપણ સમયે ગીતાના પાઠ કરી શકો છો, પરંતુ કોઈ અધ્યાય શરૂ કરો તો તેને અધૂરો ના છોડવો જોઈએ, પૂર્ણ કર્યા પછી જ ઊભું થવું જોઈએ.