બોલિવૂડ / ત્રણ દિવસ સુધી પિતાનો મૃતદેહ સડતો રહ્યો, અને પુત્રને ખબર જ નહીં!: લોકોએ ટ્રોલ કરતાં હવે એક્ટરે જુઓ શું જવાબ આપ્યો

• ઈમલી સીરિયલનો એક્ટર થયો ટ્રોલ
• પિતાનાં મૃત્યુથી અજાણ હતો એક્ટર ગશ્મીર
• પિતાનો શવ ફ્લેટમાં 3 દિવસ સુધી સડતો રહ્યો

હિંદી સીરિયલ 'ઈમલી'માં કામ કરનારાં એક્ટર ગશ્મીર મહાજનીનાં પિતા રવીન્દ્ર મહાજનીનું ચાર દિવસ પહેલા રહસ્યમય નિધન થયું. મરાઠી સિનેમામાં પ્રખ્યાત એક્ટર અને ડાયરેક્ટર રવીન્દ્ર મહાજની 77 વર્ષનાં હતાં. એક્ટરનો શવ પુણેનાં તલેગાંવ દાભાડેનાં અંબી વિસ્તારમાં આવેલા તેમના ફ્લેટમાંથી મળી આવ્યો હતો. પરંતુ નવાઈની વાત તો એ છે કે ત્રણ દિવસથી પિતાનો શવ ઘરમાં સડી રહ્યો હતો અને પુત્રને પિતાનાં મૃત્યુની જાણ જ નહોતી. એટલું જ નહીં નિધનની ખબર સામે આવ્યાં બાદ પણ તેમણે પોતાના પિતાને લઈને કોઈ પણ પ્રકારનો સ્ટેટમેન્ટ ન આપ્યો.

ગશ્મીરને લોકોએ ખૂબ ટ્રોલ કર્યો
રવીન્દ્ર મહાજનીનાં નિધન બાદ તેમના દીકરા ગશ્મીરને લોકો સતત ટ્રોલ કરી રહ્યાં છે. યૂઝર્સ કહે છે કે તે કેવો પુત્ર છે જેને પોતાના પિતાનાં મૃત્યુની ખબર જ નથી. વૃદ્ધાવસ્થામાં તેઓ એટલા એકલા હતાં કે ત્રણ દિવસ સુધી તેમનો શવ ફ્લેટમાં પડ્યો રહ્યો હતો. 

એક્ટરે તોડ્યું મૌન
લોકો દ્વારા ઉઠાવવામાં આવતાં સવાલો અને ટ્રોલ થયાં બાદ એક્ટર ગશ્મીરે ઈંસ્ટાગ્રામની સ્ટોરી શેર કરતાં હેટર્સને જવાબ આપ્યો હતો. ગશ્મીરે લખ્યું કે એક સ્ટારને સ્ટાર રહેવા દો. મેં અને મારી ટીમે આ વિષય પર મૌન જાળવી રાખવાનો નિર્ણય લીધો છે. અને જો તેના લીધે મારા અથવા અમારા માટે નફરત ફેલાય છે તો અમે તેનું સ્વાગત કરવા પણ તૈયાર છીએ. ભગવાન તેમની આત્માને શાંતિ આપે. એ મારા પિતા અને મારી માતાનાં પતિ હતાં અને અમે તેમને તમારા બધાંથી વધુ સારી રીતે ઓળખીએ છીએ. જ્યારે સમય યોગ્ય હશે ત્યારે આ વિષય પર હું ભવિષ્યમાં મૌન તોડીશ.

પિતા-પુત્ર બંને ઈન્ડસ્ટ્રીમાં પ્રખ્યાત
ગશ્મીરે પોતાના પિતાની સાથે અર્જૂન કપૂર અને કૃતિ સેનનની ફિલ્મ 'પાનીપત'માં કામ કરેલું છે. તેમને ઈમલી સીરિયલમાં આદિત્ય કુમાર ત્રિપાઠી તરીકે પણ ઓળખવામાં આવે છે. પિતા રવીન્દ્ર મહાજનીએ મરાઠી ફિલ્મો સિવાય અમિતાભ બચ્ચનની ફિલ્મ સાત હિન્દૂસ્તાનીમાં પણ કામ કરેલું છે.