નકલી પોલીસ / હોટલમાં જતાં કપલ્સને ટાર્ગેટ કરતી ગેંગ: પોલીસ હોવાનું કહીને પડાવ્યા 50 હજાર રૂપિયા, અમદાવાદની શૉકિંગ ઘટના

નકલી અધિકારીઓના નામે રાજ્યમાં અવાર-નવાર લૂંટ-ફાટની ઘટનાઓ સામે આવવા લાગી છે.. તેવામાં આજે ફરી અમદાવાદમાં પોલીસ હોવાનું કહીને એક કપલને લૂંટનાર ટોળકીને અસલી પોલીસે ઝડપી પાડી છે..

પોલીસ હોવાનું સાંભળી કપલે મામલાને રફેદફે કરવાનું કહ્યું

આરોપીઓની ઠગ ટોળકી ગેસ્ટહાઉસ આસપાસ ફરતી હતી.. અને કોઈપણ કપલ ગેસ્ટહાઉસમાંથી બહાર આવે એટલે તેમને પોલીસના નામે ધમકી આપી લૂંટ મચાવતા હતા.. 
આ પ્રકારની ધમકી આપી.. મેમકોમાં આવેલા અનિતા ગેસ્ટહાઉમાંથી નીકળેલા કપલને ટોળકીએ ટાર્ગેટ બનાવ્યું.. પોલીસ હોવાનું સાંભળી કપલે મામલાને રફેદફે કરવાનું કહ્યું.. તો આરોપીઓએ યુવક પાસે દોઢ લાખ રૂપિયા માગ્યા.. પરતુ આટલા રૂપિયા નહોતા.. જેથી યુવકનના એટીએમમાં રહેલા 50 હજાર રૂપિયા ઉપાડી લીધા હતા.. જોકે આ ઘટના બાદ યુવકે શહેર કોટડા પોલીસ સ્ટેશનમાં ફરિયાદ નોંધાવી..  જેના આધારે પોલીસે ત્રણ આરોપીને ઝડપી પાડ્યા છે.. જ્યારે એક આરોપી ફરાર છે.. 

આ પણ વાંચોઃ ઘડિયાળ ચોરીની શંકાએ અર્ઘનગ્ન કર્યો, પછી કર્યો ઝાપટનો વરસાદ, સુરતના કિશોરને મહારાષ્ટ્રમાં મળી તાલિબાની સજા

 

ટોળકીમાં મુખ્ય માસ્ટર માઈન્ડ મોહસીન શેખ

આ ટોળકીમાં મુખ્ય માસ્ટર માઈન્ડ મોહસીન શેખ છે.. જે રીક્ષા ચલાવે છે.. આ ટોળકીએ અત્યાર સુધીમાં અનેક હોટેલો અને ગેસ્ટહાઉસ બહાર કપલોને ટાર્ગેટ બનાવીને લૂંટ કર્યાનું પણ સામે આવ્યું છે

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો

 

.