શહીદો અમર રહો / કોડીનારના વીર શહીદ નિરવસિંહ ચૌહાણની નીકળી અંતિમયાત્રા, હવામા ફાયરિંગ કરીને અપાયું સન્માન

• દુદાણાના વીર શહીદ નિરવસિંહ ચૌહાણની અંતિમ વિધિ 
• શહીદ અમર રહોના નારા સાથે અંતિમયાત્રા નીકળી 
• હવામાં ફાયરિંગ કરીને શહીદને અપાયું સન્માન

ભારતીય વાયુસેનામાં ફરજ બજાવતા કોડીનાર તાલુકાના દુદાણા ગામના વીર શહીદ નિરવસિંહ ચૌહાણનુ નિધન થતા પુરા સૈનિક સન્માન સાથે તેમની અંતિમ વિધિ કરવામાં આવી હતી. શહીદ નિરવસિંહ ચૌહાણના ગામમાં વીર શહિદ અમર રહોના ગગનભેદી નારા સાથે અંતિમયાત્રા નીકળી હતી. જેમાં ભારતીય હવાઈ દળના અધિકારીઓ પણ જોડાયા હતા. જેમાં અંતિમ યાત્રામાં સામેલ ભારતીય હવાઈ દળના જવાનોએ હવામાં ફાયરિંગ કરીને શહીદ નિરવસિંહ ચૌહાણને પોતાની અંતિમ વિદાય આપી હતી.

શહીદ અમર રહોના નારા સાથે અંતિમયાત્રા નીકળી 
ભારતીય વાયુ સેનામાં સેવા દરમિયાન કોડીનાર તાલુકાના દુદાણા ગામના નીરવસિંહ ચૌહાણ શહીદ થતા તેઓની સ્મશાન યાત્રા દુદાણા ગામમાં સૈનિક સન્માન સાથે યોજાઇ હતી. સ્મશાન યાત્રા સમયે સમગ્ર ગામના લોકોએ સ્વયંભૂ બંધ પાળી અંતિમ વિદાયમાં જોડાયું હતું.  ભારતીય હવાઈ દળમાં સેવા બજાવત સૈનિક નિરવ ચૌહાણના નિધનને લઇને નાના એવા ગામમાં શોકનું મોજું ફરી વળ્યું છે.

નીરવ ચૌહાણે સુસાઇડ કર્યું હોવાનું પ્રાથમિક અનુમાન
એરફોર્સમાં ફરજ બજાવતા દુદાણાના ૨૨ વર્ષીય આશાસ્પદ યુવકે આપઘાત કરી લીધો હતો.  નિરવ ચૌહાણે કોઈપણ કારણોસર ચેન્નાઈનાં આવડી એરફોર્સ બેઝ પર પોતાની રિવોલ્વરથી ગોળી મારીને આત્મહત્યા કરી લેતા સમગ્ર કોડીનાર તાલુકામાં ઘેરા શોક સાથે આઘાતની લાગણી ફેલાઈ છે.  આપઘાત અંગે અંગ્રેજીમાં લખેલી સુસાઇડ નોટ પણ મળી આવી હતી. જેમાં આત્મહત્યા પાછળના પ્રાથમિક અનુમાનમાં તેઓને સતત ઊંઘ ન આવતી હોવાની આ પગલું ભર્યાનો સુસાઇડ નોટમાં ઉલ્લેખ કરવામાં આવ્યો છે.