- આવી ઘણી એપ્સ ઉપલબ્ધ છે જે તેમના યુઝરનો ડેટા ચોરી લે છે
- McAfeeએ આવી એન્ડ્રોઇડ બેકડોર એપ્સની યાદી પણ બહાર પાડી
- McAfee સુરક્ષા સંશોધકોએ Android એપ્લિકેશન્સ માટે ચેતવણી જાહેર કરી
વધતી જતી ટેક્નોલોજીએ આપણું જીવન સરળ બનાવ્યું હોવા છતાં લોકોને દરરોજ સાયબર હુમલા, હેકિંગ અને ફિશિંગ જેવી સમસ્યાઓનો સામનો કરવો પડે છે. ઘણી વાર આપણે એવી ઘટનાઓ સામે આવીએ છીએ જેમાં લોકોને નાણાકીય નુકસાન અથવા ડેટાની ચોરીનો સામનો કરવો પડ્યો હોય. એટલું જ નહીં, તમને ઘણી એવી એપ્સ મળે છે જે તેમના યૂઝરનો ડેટા ચોરી લે છે અને તેનો દુરુપયોગ કરી શકે છે. હાલમાં જ કેટલીક એવી એપ્સ મળી આવી છે, જેનો ઉપયોગ સ્કેમર્સ તમારા ફોનને કંટ્રોલ કરવા માટે કરે છે. ચાલો તેમના વિશે જાણીએ..
સંશોધકોએ ચેતવણી આપી હતી
તાજેતરમાં McAfee સુરક્ષા સંશોધકોએ કેટલીક Android એપ્લિકેશન્સ વિશે ચેતવણી આપી છે જે તમારા ફોનને નિયંત્રિત કરી શકે છે. McAfeeએ આવી એન્ડ્રોઇડ બેકડોર એપ્સની યાદી પણ બહાર પાડી છે, જેને 'Xamalicious' નામ આપવામાં આવ્યું છે. McAfee એ સમજાવ્યું કે આ એપ્સ તમારા ફોનની સંપૂર્ણ ઍક્સેસિબિલિટી મેળવવા માટે સોશિયલ એન્જિનિયરિંગનો ઉપયોગ કરે છે. જે પછી વપરાશકર્તાઓની જાણ વિના તેઓ સરળતાથી ફોનના કમાન્ડ-એન્ડ-કંટ્રોલ સર્વર સાથે વાતચીત કરવાની પરવાનગી મેળવી લે છે. આમ કરવાથી ફોનમાં બીજો પેલોડ ડાઉનલોડ થાય છે જેનાથી તમને આર્થિક નુકસાન થઈ શકે છે.
વાંચવા જેવું : આ વાયરસથી બચીને રહેજો, નહીંતર ફિંગરપ્રિન્ટથી લઇને ફેસલોક, બધું જ થઇ જશે અનલોક!
13 એપ્સની યાદી તૈયાર કરી
McAfeeએ આવી 13 એપ્સની યાદી તૈયાર કરી છે, જેનાથી તમને આર્થિક નુકસાન થઈ શકે છે. આવી સ્થિતિમાં તે એપ્સને ડિલીટ કરવી જરૂરી છે.
- Essential Horoscope for Android
- 3D Skin Editor for PE Minecraft
- Logo Maker Pro
- Auto Click Repeater
- Count Easy Calorie Calculator
- Sound Volume Extender
- LetterLink
- Numerology: Personal horoscope & number predictions
- Step Keeper: Easy Pedometer
- Track Your Sleep
- Sound Volume Booster
- Astrological Navigator: Daily Horoscope & Tarot
- Universal Calculator
વાંચવા જેવું : સ્લૉ લેપટોપથી છો પરેશાન? તો તુરંત અપનાવો આ જોરદાર ટિપ્સ, સ્પીડ બુલેટની જેમ ભાગશે
