તમારા કામનું / સ્લૉ લેપટોપથી છો પરેશાન? તો તુરંત અપનાવો આ જોરદાર ટિપ્સ, સ્પીડ બુલેટની જેમ ભાગશે

• બિનજરૂરી ફાઈલોને ડિલીટ કરો
• ધ્યાન રાખો કે હાર્ડ ડ્રાઈવ સ્ટોરેજ ફ્રી રહે
• એકવાર ફરી ઑપરેટિંગ સિસ્ટમ ઇન્સ્ટોલ કરો

ઘણી વાર એવું થાય છે કે જૂનું લેપટોપ સ્લૉ થતાં જ લોકો તેને બદલી નાખવાનું અથવા નવું લેપટોપ ખરીદવાનું વિચારે છે. ઘણી વાર તો સર્વિસ સેન્ટર પર લઈને પણ જાય છે. તમે નાની-નાની સમસ્યાઓને ઘરે જ ઠીક કરી શકો છો. કેટલાંક ઘટકોને બદલીને અથવા ઉમેરીને નવું લેપટોપ લેવાથી બચી શકો છો. લેપટોપની સ્પીડને વધારવા માટે હાર્ડવેર અને સોફ્ટવેરનું સંયોજન જરૂરી છે. જાણો આ ટિપ્સ વિશે જેની મદદથી તમે લેપટોપની સ્પીડ વધારી શકશો. 

વાંચવા જેવું: ડિસ્કાઉન્ટ અને ઑફર્સની માયાજાળમાં ફસાવતી ઈ-કોમર્સ કંપનીઓ સામે મોદી સરકારનો મોટો નિર્ણય, 'Dark Patter' પર લગાવાયો પ્રતિબંધ

સોફ્ટવેર ઑપ્ટિમાઇઝેશન્સ
વિન્ડોઝમાં કંટ્રોલ પેનલ અથવા Macમાં એપ્લિકેશન્સમાં જઇ, ઉપયોગ ન કરતા હોય તેવા પ્રોગ્રામને અનઇન્સ્ટોલ કરી દો. Windows માં ટાસ્ક મેનેજર અથવા Mac માં ઍક્ટિવિટી મોનીટર નો ઉપયોગ કરીને બિનજરૂરી પ્રોગ્રામ બંધ કરી દો. ડિસ્કની જગ્યા ખાલી કરો અને બિનજરૂરી ફાઈલોને ડિલીટ કરો. આ માટે, વિન્ડોઝમાં બિલ્ટ-ઇન ડિસ્ક ક્લીનઅપ ટૂલ અને Macમાં ડિસ્ક યુટિલિટીનો ઉપયોગ કરી શકો. ઓપરેટિંગ સિસ્ટમને હંમેશા અપ ટુ ડેટ રાખો. કારણ કે અપડેટ્સમાં ઘણીવાર પરફોર્મન્સ ઇમ્પ્રુવમેન્ટ હોય છે. કોઈપણ દૂષિત પ્રોગ્રામ્સને દૂર કરવા માટે વિશ્વસનીય એન્ટિવાયરસ અથવા એન્ટિ-મૉલવેર સૉફ્ટવેરનો ઉપયોગ કરો. તમારી ઓપરેટિંગ સિસ્ટમનાં કોઈપણ બિનજરૂરી વિઝ્યુઅલ ઈફેક્ટ્સને બંધ કરી દો. ખાતરી કરો કે તમારા ડિવાઇસ ડ્રાઇવર્સ (ગ્રાફિક્સ, સાઉન્ડ, નેટવર્ક) વધુ સારી કમ્પોટેબિલિટી અને પ્રદર્શન માટે અપડેટ કરવામાં આવે. વિન્ડોઝમાંથી ટેમ્પરરી ફાઇલ્સને ડિલીટ કરો. 

હાર્ડવેર ઓપ્ટિમાઇઝેશન
હાર્ડવેર ઓપ્ટિમાઇઝેશન માટે તમારે કોઈ પ્રોફેશનલની જરૂર પડશે. આ ઉપાય ત્યારે કામ લાગશે જ્યારે ઘરે બેઠા માત્ર સોફ્ટવેર અપગ્રેડથી તમારું કામ નહીં થઈ શકે. રેમને અપગ્રેડ કરો. આ કરતા જ લેપટોપનું પ્રદર્શન તરત જ નોંધપાત્ર રીતે વધી જશે. ખાસ કરીને જ્યારે તમે મેમરી-સઘન એપ્લિકેશન્સનો ઘણો ઉપયોગ કરતા હશો. તમારી પરંપરાગત હાર્ડ ડ્રાઈવ બદલી નાખો. ધ્યાન રાખો કે હાર્ડ ડ્રાઈવ સ્ટોરેજ ફ્રી રહે. આ માટે તમે બિનજરૂરી ફાઇલોને ડિલીટ કરી શકો છો. ખાતરી કરો કે તમારા લેપટોપની કૂલિંગ સિસ્ટમ યોગ્ય રીતે કામ કરી રહી હોય. આ માટે, સિસ્ટમને વધુ ગરમ થવાથી બચાવવા માટે વેન્ટ્સ અને પંખાને સાફ કરો. જરૂર જણાય તો ગ્રાફિક્સ કાર્ડ અપડેટ કરો. એકવાર ફરી ઑપરેટિંગ સિસ્ટમને ઇન્સ્ટોલ કરો લો.