એલર્ટ! / આ વાયરસથી બચીને રહેજો, નહીંતર ફિંગરપ્રિન્ટથી લઇને ફેસલોક, બધું જ થઇ જશે અનલોક!

• હાલમાં એન્ડ્રોઈડમાં આવ્યો ખતરનાક વાયરલ
• મોબાઇલ વાયરસે ભયનું વાતાવરણ ઉભું કર્યું 
• Chameleon Trojan. ખૂબ જ ખતરનાક વાયરસ 

જેમ જેમ ટેક્નોલોજીનો વિકાસ થઈ રહ્યો છે તેમ તેમ દુશ્મનો પણ અપડેટ થઈ રહ્યા છે. હાલમાં એક નવા પ્રકારના મોબાઇલ વાયરસ (માલવેર) એ એન્ડ્રોઇડ ફોન વપરાશકર્તાઓમાં ભયનું વાતાવરણ ઉભું કર્યું છે. આ માલવેરનું નામ છે Chameleon Trojan. આ એક ખૂબ જ ખતરનાક વાયરસ છે, જે કોઈપણ ફોનની બાયોમેટ્રિક ઓથેન્ટિકેશન મેથડને ડિસેબલ કરીને પિન ચોરી શકે છે. બાયોમેટ્રિક પ્રમાણીકરણ પદ્ધતિઓમાં ફિંગરપ્રિન્ટ અને ફેસ અનલોક જેવી વસ્તુઓનો સમાવેશ થાય છે. એકવાર પિન ચોરાઈ ગયા બાદ યુઝરની તમામ વિગતો કબજે કરવામાં આવે છે. સુરક્ષા સંશોધકોએ Chameleon Trojan નું નવું સંસ્કરણ શોધી કાઢ્યું છે. આ વાયરસ ખૂબ જ ખતરનાક છે કારણ કે તે તમારા ફોનની ફિંગરપ્રિન્ટ અને અન્ય બાયોમેટ્રિક્સને નિષ્ફળ કરી શકે છે.

આ વાયરસ શું કરે છે?

તમે તમારા ફોનમાં બાયોમેટ્રિક્સ અથવા પિનનો ઉપયોગ કેમ કરો છો? જેથી ફોનને વધુ સુરક્ષિત રાખી શકાય. આ માલવેર બાયોમેટ્રિક પ્રમાણીકરણને અક્ષમ કરે છે.

પિન ચોરી કરે છે

એટલું જ નહીં, તે તમારા બાયોમેટ્રિક્સને હેક કરી શકે છે તેમજ તમારો પિન ચોરી શકે છે. ThreatFabric એ આ મામલે માહિતી આપી છે.

તે કેવી રીતે હુમલો કરે છે?

રિપોર્ટમાં કહેવામાં આવ્યું છે કે આ માલવેર પોતાને ગૂગલ ક્રોમ અને અન્ય એન્ડ્રોઇડ એપ્સ સાથે જોડે છે. આ કોડને શોધ્યા વિના ચલાવવાની મંજૂરી આપે છે.

તે કોને શિકાર બનાવે છે?

આ ટોરેન્ટનો ઉપયોગ એન્ડ્રોઇડ 12 અને પહેલાનાં વર્ઝન પર એક્સેસિબિલિટી સેવાઓ દ્વારા ઍક્સેસ મેળવવા માટે થતો હતો, પરંતુ તે નવા વર્ઝનમાં અલગ રીતે કામ કરે છે.

તે શું ચોરી શકે છે?

આ વાયરસ ઉપકરણની સુરક્ષા પદ્ધતિને બાયપાસ કરીને એપ્લિકેશન્સને ઍક્સેસ કરી શકે છે. તે ઓન-સ્ક્રીન સામગ્રી ચોરી શકે છે, પોતાને વધુ પરવાનગીઓ આપી શકે છે અને ઘણું બધું કરી શકે છે.

પિન ચોર્યા પછી શું કરવું?

આ માલવેર ચોરાયેલા પિનનો ઉપયોગ અન્ય માહિતીની ચોરી કરવા માટે કરે છે. તે તમારી ક્રેડિટ કાર્ડ વિગતો, લૉગિન ઓળખપત્ર અને અન્ય વિગતોને ઍક્સેસ કરી શકે છે.

આદતો પર પણ નજર રાખે છે

સંશોધકોનું કહેવું છે કે આ માલવેર યુઝર્સની એપના ઉપયોગની આદતોને પણ ચેક કરે છે. જ્યારે યુઝર્સ એપનો ઉપયોગ કરતા નથી, ત્યારે તે હુમલો કરે છે.

તમે કેવી રીતે બચી શકો છો?

આ માલવેરથી પોતાને બચાવવા માટે કોઈપણ બિનસત્તાવાર સ્ત્રોતમાંથી કોઈપણ એપ્લિકેશન અથવા ફાઇલ ડાઉનલોડ કરશો નહીં. અજાણી એપ્લિકેશનો માટે ઍક્સેસિબિલિટી સેવાઓ ચાલુ કરશો નહીં.