કવાયત / હવેથી VNSGU સહિત ગુજરાત યુનિ.માં પણ શરૂ કરાશે વિદેશી ભાષાનો કોર્સ, જાણો કઇ-કઇ લેંગ્વેજ ભણાવાશે

• ગુજરાત યુનિવર્સિટીમાં નવા શૈક્ષણિક વર્ષથી વિદેશી ભાષાનો કોર્સ શરૂ કરાશે
• ફોરેન લેન્ગ્વેજ ડિપાર્ટમેન્ટમાં ડિપ્લોમા, ડિગ્રી અને પીજીના કોર્સ શરૂ કરાશે
• ચાઈનીઝ, જાપાનીઝ, જર્મન, રશિયન, ફ્રેન્ચ સહિતની ભાષા શીખવવામાં આવશે
• વીર નર્મદ યુનિવર્સિટીમાં ફ્રેન્ચ,જર્મન, સ્પેનિશ અને રશિયન સહિત ફોરેન લેંગ્વેજ કોર્ષનો પ્રારંભ

Foreign Language Course : રાજ્યની બે યુનિવર્સિટીઓમાં વિદેશી ભાષાનો કોર્સ શરૂ કરવામાં આવશે.મહત્વનું છે કે, તાજેતરમાં સુરતમાં ડાયમંડ બુર્સના કાર્યક્રમમાં PM મોદીએ ફોરેન લેગ્વેજ કોર્સ શરૂ કરવા ટકોર કરી હતી. જે અંતર્ગત વીર નર્મદ યુનિવર્સિટીમાં ફ્રેન્ચ,જર્મન, સ્પેનિશ અને રશિયન સહિત અન્ય ફોરેન લેંગ્વેજ કોર્ષનો આજથી પ્રારંભ કરી દેવાયો છે. આ તરફ હવે ગુજરાત યુનિવર્સિટીમાં પણ નવા શૈક્ષણિક વર્ષથી વિદેશી ભાષાનો કોર્સ શરૂ કરાશે. મહત્વનું છે કે, આ બંને યુનિવર્સિટીમાં 10 જેટલી વિદેશી ભાષા શીખવવામાં આવશે. 

દક્ષિણ ગુજરાતમાં વીર નર્મદ યુનિવર્સિટીમાં ફ્રેન્ચ, જર્મન, સ્પેનિશ અને રશિયન સહિત અન્ય ફોરેન લેંગ્વેજ કોર્ષનો પ્રારંભ કરાયો છે.  નર્મદ યુનિવર્સિટી દ્વારા ફોરેન લેગ્વેજ કરવા ઈચ્છુક ઉમેદવારો પાસે ઓનલાઈન અરજી મંગાવી હતી અને આજથી ફ્રેન્ચ, જર્મન, સ્પેનિશઅને રશિયન ભાષામાં સર્ટિફિકેટ કોર્સ શરૂ કર્યા છે. યુનિવર્સિટીમાં અભ્યાસક્રમો સંબંધિત છે. ભાષાઓમાં ડિગ્રી, પ્રમાણપત્રો અને નિપુણતા ધરાવતા અનુભવી શિક્ષકો દ્વારા આ સર્ટિફિકેટ કોર્સનું શિક્ષણ હાથ ધરવામાં આવ્યું છે. હાલમાં ફ્રેન્ચ, જર્મન, સ્પેનિશ, રશિયન ભાષાઓમાં સવારે 8-10 અને સાંજે 6-8 સુધીના ક્લાસ VNSGUના અંગ્રેજી વિભાગ ખાતે શરૂ કરાયા છે. આ સર્ટિફિકેટ કોર્સ માટે રજીસ્ટ્રેશન હજુ પણ ચાલુ છે. રસ ધરાવતી વ્યક્તિઓ કોર્સ માટે રજીસ્ટ્રેશન કરાવી શકે છે.

વધુ વાંચો: આજે રાજ્યસભાની 4 બેઠકો માટેની ચૂંટણી અંગેનું જાહેરનામું પ્રસિદ્ધ થશે, જાણો ઉમેદવારી પત્ર ભરવાની છેલ્લી તારીખ

ગુજરાત યુનિવર્સિટીમાં વિદેશી ભાષાનો કોર્સ શરૂ કરાશે
આ તરફ અમદાવાદ સ્થિત ગુજરાત યુનિવર્સિટીમાં વિદેશી ભાષાનો કોર્સ શરૂ કરાશે. વિગતો મુજબ નવા શૈક્ષણિક વર્ષથી વિદેશી ભાષાનો કોર્સ શરૂ કરાશે. જેમાં ખાસ કરીને ફોરેન લેન્ગ્વેજ ડિપાર્ટમેન્ટમાં ડિપ્લોમા, ડિગ્રી અને પીજીના કોર્સ શરૂ કરાશે. મહત્વનું છે કે, ઓલિમ્પિકની તૈયારીના ભાગરૂપે સરકારે ગુજરાત યુનિ.ને આદેશ કર્યો હતો. જે બાદમાં હવે ચાઈનીઝ, જાપાનીઝ, જર્મન, રશિયન, ફ્રેન્ચ સહિતની ભાષા શીખવવામાં આવશે. મહત્વનું છે કે, રાજ્યમાં વિદેશી ભાષાના જાણકાર વિદ્યાર્થીઓ મળી રહે તે માટે કોર્સ શરૂ કરાશે.