તપાસ તેજ / ભરૂચના હાંસોટમાં બે કાર સામે અથડાતાં પિચકાઈ ગઈ, એક જ પરિવારના ચાર વ્યક્તિના મોત, તસવીરો ડરામણી

• ભરૂચના હાંસોટ પંથકમાં બે કાર વચ્ચે ધડાકાભેર અકસ્માત 
• ચાર લોકોના મોતથી અરેરાટી, કારના કુરચેકુરચા ઉડયા!
• ત્રણ મહિલા અને એક પુરુષના કમકમાટીભર્યા મોત

રાજ્યમાં વધતા જતા અકસ્માતના ચિંતાજનક બનાવવાની વણઝાર વચ્ચે આજે ભરૂચના હાંસોટ તાલુકાનો માર્ગ રક્તરંજીત બન્યો છે. જેમાં હાંસોટ પંથકના અલવા ગામે બે કાર વચ્ચે ધડાકાભેર અકસ્માત થયો હતો. જેમાં ચાર લોકોને કાળ આંબી જતા સમગ્ર પંથકમાં અરેરાટી મચી ગઈ છે. ત્રણ મહિલા અને એક પુરુષના મોતને પગલે સ્થાનિક પોલીસ કાફલો તાબડતોબ ઘટનાસ્થળે દોડી ગયો હતો. જો કે આ અકસ્માત દરમિયાન કારમાં સવાર એક બાળકીનો ચમત્કારિક રીતે બચાવ થયો હતો. 

ભરૂચ ન્યૂઝ: હાંસોટના અલવા ગામ નજીક ગમખ્વાર અકસ્માત, બે કાર સામ સામે અથડાતા એક જ પરિવારના ચાર વ્યક્તિના મોત, પોલીસે તપાસ આદરી#bharuch #accident #VTVGujarati pic.twitter.com/UIpE1AhZXs

— VTV Gujarati News and Beyond (@VtvGujarati) August 16, 2023

બાળકીનો ચમત્કારિક રીતે બચાવ
બીજી બાજુ અકસ્માતમાં કારના કુરચેકુરચા ઉડી ગયા હોવાનું પણ સામે આવ્યું છે. હ્યુન્ડાઈ વેન્યુ કાર રજિસ્ટર નંબર GJ. 16. DG. 8381 અને  GJ.06.FQ.7311 નંબરની હ્યુન્ડાઈ વર્ના કાર વચ્ચે જોરદાર ટક્કર સર્જાઈ હતી. હ્યુન્ડાઈ વેન્યુ ભરૂચના હિરેન્દ્રસિંહ અને હ્યુન્ડાઈ વર્ના કાર ભરૂચના રેડીમેઈડ ગારમેન્ટના વેપારી ઇક્રામભાઈ આ નામે નોંધાયેલ છે. વાયુવેગે આવતી કારના ચાલકે સ્ટેરીંગ પરનો કાબુ ગુમાવ્યા બાદ આ ગંભીર અકસ્માતની ઘટના બની હતી. જેને લઈને સ્થાનિક લોકો અને પોલીસ તાત્કાલિક બનાવ સ્થળે દોડી ગયા હતા. બીજી બાજુ અકસ્માતને લઈને ટ્રાફિક જામના દ્રશ્યો પણ સર્જાયા હતા.