બર્બર / માત્ર 40 રૂપિયા માટે ગિન્નાયેલા પુત્રએ બાપની લોથ ઢાળી જ દીધી. ઝડપાયો બાપનો ઝનૂની હત્યારો

• નસવાડીમાં પુત્રે કરી પિતાની હત્યા 
• 40 રૂપિયાનું દેવું ફેડવા ધંધો કરવો હતો 
• પિતાએ તૂવેર વેંચવાની ના પડતા હત્યા 

સમાજમાં પિતા-પુત્રના સંબંધો કે માતા-પિતાના સતાન સાથેના સંબંધો,ઋણ અને એવી કેટલીય ગાથાઓ પુરાણોમાં છે પુસ્તકો લખાય છે અને સમાજને પુનરોત્થાન તરફ લઇ જવાની ખેવના રાખતા સંત-મહંત,કલાકારો અને સમાજ સુધારક કહેવાતા વક્તાઓ આવા સંબંધોને વિશેષ ઉપમા,અલંકાર સાથે વર્ણવે છે. પણ આજે એવા પણ સંતાનો છે જે પિતાની આજ્ઞા કે હુક્મને અવગણીને સગી જનેતાની જ હત્યા કરી નાખે છે. આવો જ એક કિસ્સો છોટા ઉદેપૂરના નસવાડીમાં બન્યો છે. જેમાં એક પિતાએ પોતાના પુત્રને તુવેર વેંચવાની બાબતે ના પાડતા પુત્રે પિતાનું જ ઢીમ ઢાળી દીધું 

શું હતી ઘટના 

નસવાડી તાલુકાના દામણીયા આંબા ગામે પુત્રએ જ પિતાની હત્યા કર્યાનો બનાવ બન્યો છે. આરોપી પુત્રએ તુવેર ન વેચવા દેવા જેવી નજીવી બાબતે પોતાના પિતાની હત્યા કરી છે. આરોપી પુત્રને ગામની દુકાનમાં 40 રૂપિયા ચુકવવાના બાકી હતા. જેથી તેણે તુવેર વેચવાનું વિચાર્યું હતું. જેમાં પિતા સહમત ન થતાં લાકડી અને લોખંડની પરાઈથી તેની હત્યા કરવામાં આવી છે. જે બાદ પોલીસે ગણતરીના કલાકમાં આરોપી પુત્રની ધરપકડ કરી છે.