26મી જાન્યુઆરી ગણતંત્ર દિવસે ખેડૂતોની ટ્રેક્ટર માર્ચ દરમિયાન દિલ્હીમાં પોલીસ સાથે આંદોલનકારીઓનું ઘર્ષણ થયું હતું. આ દરમિયાન પાંચ ચોંકાવનારા દ્રશ્યો જોવા મળ્યા છે.
Share
ગણતંત્ર દિવસના સમયે ખેડૂતોની ટ્રેક્ટર રેલી
દિલ્હીની બોર્ડર પર અનેક જગ્યાઓ પર તોડફોડ
જબરદસ્તી બેરિકેડ તોડીને ઘૂસ્યા ખેડૂતો
ગણતંત્ર દિવસના દિવસે કૃષિ કાયદા વિરૂદ્ધ આંદોલન કરી રહેલા ખેડૂતોએ દિલ્હીમાં કૂચ કરી છે. દિલ્હી પોલીસની શરતોની સાથે ટ્રેક્ટર રેલીને મંજુરી મળી હતી, પરંતુ મંગળવાર સવારથી જ દિલ્હીના અલગ અલગ બોર્ડર પર ખેડૂતો ઘુસી આવ્યા. જ્યારે દિલ્હીના અલગ અલગ વિસ્તારોમાં પોલીસ સાથે ઘર્ષણ થયું. આ દરમિયાન ખેડૂતોની ટ્રેક્ટર રેલીના પાંચ ચોંકાવનારા દ્રશ્યો જોવા મળ્યા છે.
દિલ્હી પોલીસે ખેડૂતોને રોકવા માટે બોર્ડર પર મોટા મોટા કંટેનર અને બેરિકેટ લગાવ્યા હતા. તેમ છતા આંદોલનકારીઓ અંદર ઘૂસી આવ્યા હતા. તો કેટલાક જગ્યાએ પોલીસ જવાનો ટોળા વચ્ચે ફસાયા હતા, જોકે કેટલાક ખેડૂતોએ આ પોલીસ કર્મચારીને ટોળાના હુમલાથી બચાવ્યો હતો.
2. ઘોડા પર સવાર થઇને ખેડૂતોએ બેરિકેટ તોડ્યા, સામે પોલીસનો લાઠીચાર્જ
દિલ્હીમાં અલગ અલગ વિસ્તારોમાં પ્રદર્શનકારીઓએ હોબાળો મચાવ્યો હતો. દિલ્હીના નાંગલોઈ વિસ્તારમાં પ્રદર્શનકારીઓએ પોલીસ દ્વારા લગાવવામાં આવેલા બેરિકેડ તોડી દેવાયા. પોલીસ તરફથી લાઠીચાર્જ કરી પ્રદર્શન રોકવાના પ્રયત્નો કર્યા. તો કેટલીક જગ્યાઓએ ઘોડા પર સવાર થઇને આવેલા આંદોલનકારીઓએ પણ બેરિકેડ તોડ્યા હતા. જોકે પોલીસ દ્વારા આ દરમિયાન પોલીસએ લાઠીચાર્જ કરવો પડ્યો હતો.
3. નિહંગ સિખ દ્વારા ખુલ્લી તલવાર લઇને પોલીસને દોડાવ્યા
ખેડૂતોની ટ્રેક્ટર રેલીમાં હજારોની સંખ્યામાં પ્રદર્શનકારી સામેલ થયા હતા. જેમાં નિહંગ સિખ પણ આવ્યા છે, જે પોતાની તલવારો અને વેશ-ભૂષા ધારણ કરીને દિલ્હીમાં ઘૂશ્યા હતા. આ દરમિયાન ઘર્ષણ થતા નિહંગ સિખ ખુલ્લી તલવાર લઇને પોલીસને દોડાવ્યા હતા.
4. રેલીમાં ભારે ભીડની વચ્ચે ખેડૂતોએ એમ્બ્યુલન્સને આપ્યો રસ્તો
આ દરમિયાન એક એવી પણ તસવીર સામે આવી. જેમાં ટ્રેક્ટર પરેડમાં એમ્બ્યુન્સ ફંસાઇ ગઇ. જોકે આ દરમિયાન ખેડૂતોને મદદ માટે આગળ આવતા એમ્બ્યુલન્સ માટે રસ્તો બનાવ્યો અને તેને જલ્દીથી ટોળાથી બહાર કાઢી.
5. લાલ કિલ્લા પર ઉપદ્રવીઓ દ્વારા તિરંગાની જગ્યાએ સંગઠનનો ધ્વજ ફરકાવવાનો પ્રયત્ન
દિલ્હીના લાલ કિલ્લા પર મંગળવારે પ્રદર્શનકારીઓએ નિશાન સાહબ ઝંડો ફરકાવ્યો હતો. જ્યાં પ્રધાનમંત્રી સ્વતંત્રતા દિવસે સંબોધન આપે છે, એજ જગ્યાએ પ્રદર્શનકારીઓએ પોતાનો ઝંડો ફરકાવી દીધો. પોલીસ તરફથી તેમને સમજાવવાના પ્રયત્નો થયા, પરંતુ વાત ન બની.
