મહામારી / ચીની વૈજ્ઞાનિક લેબમાં આ રીતે તૈયાર કરી રહ્યાં હતા ઘાતક વાયરસ, હવે VIDEO સામે આવ્યો

• ન્યૂયોર્કના સંશોધક પીટર દાસઝાકનો દાવો
• ચીની વૈજ્ઞાનિકોએ લેબમાં તૈયાર કર્યો કોરોના
• પીટર દાસઝાકનો વીડિયો સામે આવ્યો
• વીડિયોમાં તેઓ કહેતા જોવા મળ્યાં
• વુહાન લેબમાં આવી રીતે બનાવાયો કોરોના વાયરસ

વીડિયોમાં ન્યૂયોર્કની એક એનજીઓના પ્રમુખ પીટર દાસઝાકે કોરોના વાયરસ અંગે કેવી રીતે કામ ચાલી રહ્યું હતું તે અંગે જણાવ્યું છે. વુહાનની લેબમાં કોરોના જેવો એક વાયરસ તૈયાર કરાયો હતો જે ઘાતક હતો તેવું વીડિયો પરથી જાણકારી મળી છે.

વીડિયોમાં અમેરિકાના સંશોધકે કર્યો મોટો દાવો 

ધ નેશનલ પલ્સ વતી જારી વીડિયો ક્લિપમાં જોઈ શકાતું હતું કે ઈકો હેલ્થ એલાયન્સના પ્રમુખ પીટર દાસઝાક ચીનમાં કોરોના વાયરસ અંગેની શોધ દરમિયાન તેમના સહકર્મીઓના કામ અંગે બડાઈ મારી રહ્યાં હતા.

અમેરિકી મીડિયા રિપોર્ટ અનુસાર, પીટર દાસઝાકે વુહાન લેબમાં કામ કરવાનો સ્વીકાર કર્યો છે. મેડિકલ ક્ષેત્રમાં થનાર સંશોધનને ગેન ઓફ ફંક્શન કહેવાય છે. આ વાયરસ પર થનારી શોધનું પરિણામ હોય છે. તેનો હેતુ નવા ગુણોવાળા વાયરસ તૈયાર કરવાનો હોય છે જે માણસો માટે વધારે ખતરનાક હોય છે. ગેન ઓફ ફંક્શનમાં રોગજન્ય વાયરસમાં ફેરફાર કરવામાં આવે છે જેનાથી તે વધારે ચેપી બની જાય છે તેનો હેતુ એ હોય છે કે કોઈ પણ રીતે વાયરસ મ્યુટેંટ થઈ શકે. 

પીટર દાસઝાકે કહ્યું કે અમે ચામાચીડિયામાં કોરોના વાયરસ જોયો જે બિલકુલ સાર્સ જેવો દેખાતો હતો. તેથી અમે સ્પાઈક પ્રોટીનનું સિક્વેંસિંગ કર્યું. પ્રોટીનને કોષ સાથે જોડી દેવાયા પછી અમે જોકે મેં આ કામ કર્યું નથી પરંતુ ચીનના મારા સાથીઓએ આ કામ કર્યું. તમે નકલી પાર્ટિકલ્સ બનાવો છો, તમે તે વાયરસમાં સ્પાઈક પ્રોટીન નાખો છો, પછી જુઓ કે શું તે માનવ કોશિકાઓ સાથે જોડાય છે. તેના દરેક પગલે તમે આ વાયરસ નજીક પહોંચો છો. આ હકીકતમાં લોકોમાં ચેપી બની શકે છે. જ્યારે આપણે એક નાના વાયરસની સાથે આ બધું કરીએ છીએ ત્યારે તે ઘાતક બની જાય છે.