રાહત / હોળી પહેલા પેન્શનર્સને મોદી સરકારની ભેટ, કર્મચારીઓને મળશે વધારે પેન્શન, EPFOનું મોટું અપડેટ

• કર્મચારીઓ હવે મેળવી શકશે વધુ પેન્શન
• EPFOએ વધારે પેન્શન માટે અરજી પ્રોસેસ શરુ કરી
• ઇપીએફ યોજના હેઠળ પગારમાં ફાળો આપનાર કર્મીઓને મળશે લાભ 

એમ્પ્લોઇઝ પ્રોવિડન્ટ ફંડ ઓર્ગેનાઇઝેશન (ઇપીએફઓ) એ હોળી પહેલા પેન્શનરોને મોટી ભેટ આપી છે. કર્મચારી ભવિષ્ય નિધિ સંગઠન (EPFO)એ સોમવારે કર્મચારી પેન્શન યોજના (ઇપીએસ) હેઠળ વધારે પેન્શન માટે અરજી કરવાની પ્રક્રિયા શરૂ કરી છે. આ માટે, EPFOએ 20 ફેબ્રુઆરી 2023 ના રોજ ગાઈડલાઈન જારી કરી છે. આ ગાઇડલાઇન મુજબ જે કર્મચારીઓ ઇપીએસ સ્કીમ હેઠળ વધુ પેન્શન મેળવવા હકદાર હતા પરંતુ તેના માટે અરજી કરી નહોતી, તેઓ હવે વધુ પેન્શન માટે અરજી કરી શકશે. સુપ્રીમના ચુકાદા બાદ EPFOએ આવો નિર્ણય લીધો છે. પેન્શનર્સ 3 માર્ચ 2023 સુધીમાં વધુ પેન્શન મેળવવા માટે અરજીઓ કરી શકશે. 

EPFO adds 14.93 lakh net members, around 8.02 lakh new members, during December 2022

Click here For More details: 👇https://t.co/aE0ldAGKh1

Payroll Data Link : https://t.co/FkfBKYqmEp#AmritMahotsav #EPFO @PMOIndia @byadavbjp @Rameswar_Teli @LabourMinistry @PIB_India

— EPFO (@socialepfo) February 20, 2023

કર્મચારી અને એમ્પ્લોયર બંને સંયુક્ત રીતે અરજી કરી શકશે

EPFOએ કહ્યું કે આ માટે કર્મચારી અને એમ્પ્લોયર બંને સંયુક્ત રીતે અરજી કરી શકશે. હકીકતમાં, 22 ઓગસ્ટ, 2014 ના ઇપીએસ સુધારામાં પેન્શનપાત્ર પગાર મર્યાદા દર મહિને 6,500 રૂપિયાથી વધારીને 15,000 રૂપિયા પ્રતિ મહિના કરવામાં આવી છે. ઉપરાંત, કર્મચારીઓ અને તેમના નોકરીદાતાઓને ઇપીએસમાં તેમના વાસ્તવિક પગારના 8.33 ટકા ફાળો આપવાની મંજૂરી આપવામાં આવી હતી. નવેમ્બર 2022માં, સુપ્રીમ કોર્ટે કર્મચારી પેન્શન (સુધારા) યોજના, 2014 ને માન્ય રાખી હતી.

The Employees’ Provident Fund Organisation (#EPFO) issued a circular on February 20, 2023, with guidelines on how eligible employees who missed out from opting for higher #pension under the #EPS can now apply for it.https://t.co/vNSUBe2p7x

— Economic Times (@EconomicTimes) February 20, 2023

ટૂંક સમયમાં બહાર પડશે URL  
EPFOએ કહ્યું કે ટૂંક સમયમાં  યુઆરએલ (યુનિક રિસોર્સ લોકેશન) બહાર પાડવામાં આવશે જે પછી પ્રાદેશિક પીએફ કમિશનર વ્યાપક જાહેર માહિતી માટે નોટિસ બોર્ડ અને બેનર દ્વારા માહિતી આપશે. આ આદેશ મુજબ દરેક અરજીની નોંધણી, ડિજિટલી લોગ ઇન કરવામાં આવશે અને રસીદ નંબર અરજદારને આપવામાં આવશે. EPFOના પરિપત્રમાં એવું પણ જણાવાયું કે સંબંધિત પ્રાદેશિક ભવિષ્ય નિધિ કચેરીના પ્રભારી અધિકારી ઉચ્ચ પગાર પર સંયુક્ત વિકલ્પના દરેક કેસની તપાસ કરશે. આ પછી, અરજદારને ઇ-મેઇલ / પોસ્ટ દ્વારા અને પછી એસએમએસ દ્વારા નિર્ણય વિશે જાણ કરવામાં આવશે. 

કયા કર્મચારીઓને મળશે વધુ પેન્શનનો લાભ 
EPFOએ પરિપત્રમાં એવું જણાવ્યું છે કે વધુ પેન્શન લેવા માટે ફક્ત એવા કર્મચારીઓ હકદાર બનશે કે જેમણે કર્મચારી ભવિષ્ય નિધિ (ઇપીએફ) યોજના હેઠળ ફરજિયાત ઉચ્ચ પગારમાં ફાળો આપ્યો છે અને નિવૃત્તિ પહેલા ઉચ્ચ પેન્શનનો વિકલ્પ પસંદ કર્યો છે. પરિપત્ર મુજબ,  1 સપ્ટેમ્બર 2014 પહેલા કોઈ પણ વિકલ્પનો ઉપયોગ કર્યા વગર નિવૃત્ત થયેલા કર્મચારીઓને પણ તેના સભ્યપદેથી બાકાત રાખવામાં આવ્યા છે. 2014ના સુધારા મુજબ વિકલ્પનો ઉપયોગ કરનારા કર્મચારીઓને જ લાભ આપવામાં આવશે.