- સાબરમતી સ્ટેશને કામને લઈ ટ્રેન વ્યવહાર પ્રભાવિત
- 6 ટ્રેનોને સંપૂર્ણ રીતે કરવામાં આવી રદ
- 25 ટ્રેનોના રુટમાં કરવામાં આવ્યો બદલાવ
કૃપિયાએ રેલવે યાત્રીગણ ધ્યાન આપે કારણ કે, તેમના ઉપયોગી સમાચાર ધ્યાને આવ્યા છે. અમદાવાદના સાબરમતી સ્ટેશન પર એન્જિનિયરિંગ કામના કારણે ટ્રેનોને અસર થઈ છે. અમદાવાદથી પસાર થતી 6 ટ્રેનો સંપૂર્ણ રીતે રદ કરવામાં આવી છે. જ્યારે અન્ય 9 ટ્રેનો આંશિક રીતે રદ કરવામાં આવી છે. 25 જેટલી ટ્રેનોના રુટમાં ફેરફાર કરવામાં આવ્યો છે. ઉત્તર, મધ્ય અને દક્ષિણ ગુજરાતની ટ્રેનોને અસર થઈ છે.
આ ટ્રેનો અમદાવાદ પછી સીધી બોટાદ સ્ટેશને ઊભી રહેશે
પશ્ચિમ રેલવે અમદાવાદ ડિવિઝનના સાબરમતી યાર્ડ ખાતે એન્જિનિયરિંગના કામ કાજ માટે લેવામાં આવેલા બ્લોકને કારણે ભાવનગર ડિવિઝન થઈને દોડતી સુરત-મહુવા (09111) અને બનારસ-વેરાવળ (12946) ટ્રેનોને 11.01.2024ના રોજ તેમના નિર્ધારિત રૂટ અમદાવાદ-ગાંધીગ્રામ-બોટાદને બદલે બદલાયેલા રૂટ અમદાવાદ-વિરમગામ-બોટાદ થઈને દોડશે. બંને ટ્રેનો અમદાવાદ પછી સીધી બોટાદ સ્ટેશને ઊભી રહેશે.
આ ટ્રેન ગાંધીગ્રામ-બોટાદ રૂટ પર દોડશે નહીં
10.01.2024 ના રોજ સુરતથી મહુવા જતી ટ્રેન નંબર 09111 સુરત-મહુવા એક્સપ્રેસ ટ્રેન તેના નિર્ધારિત રૂટ અમદાવાદ-ગાંધીગ્રામ-બાવળા-ધોળકા-ધંધુકા-બોટાદને બદલે બદલાયેલા રૂટ અમદાવાદ-વિરમગામ-બોટાદ થઇને દોડશે. 11.01.2024 ગુરુવારના રોજ અમદાવાદ પહોંચ્યા પછી, આ ટ્રેન ગાંધીગ્રામ-બોટાદ રૂટ પર દોડશે નહીં, જેના કારણે આ ટ્રેન ગાંધીગ્રામ, બાવળા, ધોળકા અને ધંધુકા સ્ટેશન પર ઊભી રહેશે નહીં.
વાંચવા જેવું: બાળકો તોફાન કરે તોય હવે શિક્ષકો નહીં આપી શકે આવી સજા, નહીંતર શાળા પર લાગી જશે તાળું: નવો આદેશ
આ ટ્રેન સરખેજ-બાવળા-ધંધુકા-બોટાદ રૂટ પર દોડશે નહીં
તારીખ 10ના રોજ બનારસથી વેરાવળ સુધી દોડતી ટ્રેન નંબર 12946 બનારસ-વેરાવળ સુપરફાસ્ટ ટ્રેન તેના નિર્ધારિત રૂટ અમદાવાદ-સરખેજ-બાવળા-ધંધુકા-બોટાદને બદલે બદલાયેલા રૂટ અમદાવાદ-વિરમગામ-બોટાદ થઇને દોડશે. 11 જન્યુઆરી 2024 ગુરુવારના રોજ અમદાવાદ પહોંચ્યા પછી, આ ટ્રેન સરખેજ-બાવળા-ધંધુકા-બોટાદ રૂટ પર દોડશે નહીં, જેના કારણે આ ટ્રેન સરખેજ, બાવળા અને ધંધુકા સ્ટેશન પર ઊભી રહેશે નહીં.
