- એલન મસ્કે નવા સ્ટાર્ટઅપની કરી જાહેરાત
- Elon Musk એ લોન્ચ કરી 'xAI'
- ChatGPT ને મળશે સીધી ટક્કર
અબજપતિ એલન મસ્કે બુધવારે એક નવા સ્ટાર્ટઅપની જાહેરાત કરી છે. આ એક આર્ટીફીશિયલ ઈન્ટેલિજન્સ સ્ટાર્ટઅપ છે. જેનું નામ xAI છે. બુધવારે એલન મસ્કે આ સ્ટાર્ટઅપની વેબસાઈટ પણ લોન્ચ કરી છે. આ નવા સ્ટાર્ટઅપની ટીમમાં Google અને માઈક્રોસોફ્ટના એન્જિનિયર્સ શામેલ છે.
ટ્વીટ કરી આપી જાણકારી
આ સ્ટાર્ટઅપનું નેતૃત્વ અરબપતિ એલન મસ્ક કરશે. આ નવા સ્ટાર્ટઅપને લઈને 14 જુલાઈએ એક Twitter Spaces ઈવેન્ટનું પણ આયોજન કરવામાં આવવાનું છે. એલન મસ્કે આ સ્ટાર્ટઅપ શરૂઆત કરવાની જાણકારી એક ટ્વીટ દ્વારા બુધવારે આપી.
સ્ટેટ ફાઈલિંગથી મળેલી જાણકારી અનુસાર એલન મસ્કે માર્ચના મહિનામાં x.AI Corp નામની એક ફર્મને Nevadaમાં રજીસ્ટર કર્યું હતું. આ ફર્મમાં એલન મસ્ક ડાયરેક્ટરની ભુમિકામાં પણ છે. ત્યાં જ Jared Birchall આ ફર્મમાં સેક્રેટરીના રીતે કામ કરશે. જે એલન મસ્કના ફેમિલી ઓફિસના મેનેજિંગ ડાયરેક્ટર પણ છે.
શરૂઆત થતા જ સ્ટાર્ટઅપમાં બહાર પડી નોકરી
સ્ટાર્ટઅપની શરૂઆતની સાથે જ એલન મસ્કે વેકેન્સી પણ જાહેર કરી દીધી છે. આ નવા સ્ટાર્ટઅપની વેબસાઈટ પર એક એપ્લિકેશન ફોર્મ છે. જેના દ્વારા આ સ્ટાર્ટઅપનો ભાગ બનવાની ઈચ્છા ધરાવતા કેન્ડિડેટ અરજી કરી શકે છે. આ સ્ટાર્ટઅપની હાલની ટીમ DeepMind, OpenAI, Google Research, Microsoft Research, Tesla અને ટોરન્ટો યુનિવર્સિટીનું છે.
ChatGPT અને Bard સાથે ટક્કર
એપ્રિલના મહિનામાં એલન મસ્કે કહ્યું હતું કે તે એક એવા આર્ટીફીશિયલ ઈન્ટેલિજન્સની શરૂઆત કરશે જે હકીકતના ખૂબ જ નજીક હશે. આ સ્ટાર્ટઅપ માઈક્રોસોફ્ટના OpenAIના ChatGPT અને ગુગલના Bardને ટક્કર આપશે.
જોકે થોડા દિવસોમાં એલન મસ્ક આર્ટીફિશિય ઈન્ટેલિજન્સ એટલે કે AIના નકારાત્મક અસર પર પણ ઘણી વખત સવાલ ઉઠાવી ચુક્યા છે. તેને માનવતા માટે ખતરો પણ કહી ચુક્યા છે. આજ કારણ છે કે તે હકીકતમાં ખૂબ જ નજીકના AIની વાત કરી રહ્યા છે.
