- અજય દેવગનની ફિલ્મની કોરિયન રિમેક બનવા જઈ રહી છે
- કાન્સ ફિલ્મ ફેસ્ટિવલમાં તેની જાહેરાત કરવામાં આવી
- અત્યાર સુધી કુલ 7 ભાષામાં બની છે 'દ્રશ્યમ'
ફિલ્મ 'દ્રશ્યમ'ના નામમાં વધુ એક સફળતા જોડાઈ છે જણાવી દઈએ કે અજય દેવગનની ફિલ્મની કોરિયન રિમેક બનવા જઈ રહી છે અને કાન્સ ફિલ્મ ફેસ્ટિવલમાં તેની જાહેરાત કરવામાં આવી હતી. પેનોરમા સ્ટુડિયો અને એન્થોલોજી સ્ટુડિયોએ આ ફિલ્મ માટે ભાગીદારી કરી છે. આ સાથે જ મહત્વની વાત એ છે કે આ પહેલીવાર છે જ્યારે કોઈ ભારતીય ફિલ્મ કોરિયન ભાષામાં રીમેક થવા જઈ રહી છે.
અત્યાર સુધી કુલ 7 ભાષામાં બની છે 'દ્રશ્યમ'
નોંધનીય છે કે 'દ્રશ્યમ' પહેલીવાર મલયાલમ ભાષામાં 2013માં બનાવવામાં આવી હતી, જેમાં મોહનલાલ મુખ્ય ભૂમિકામાં હતા. અત્યાર સુધીમાં તેને 7 ભાષાઓમાં બનાવવામાં આવી છે, જેમાંથી ત્રણ વિદેશી ભાષાઓ પણ સામેલ છે. હવે તે 8મી વખત કોરિયન ભાષામાં બનવા જઈ રહી છે. પેનોરમા સ્ટુડિયો-એન્થોલોજી સ્ટુડિયોએ કાન્સ ફિલ્મ ફેસ્ટિવલમાં સત્તાવાર જાહેરાત કરી છે. કુમાર મંગત પાઠકના પેનોરમા સ્ટુડિયો અને એન્થોલોજીએ કોરિયામાં દ્રશ્યમ ફ્રેન્ચાઈઝીને રીમેક કરવા માટે ભાગીદારીની જાહેરાત કરી. આ ફિલ્મમાં 'પેરાસાઇટ' એક્ટર સોંગ કંગ હો એકટર અને નિર્દેશક કિમ જી વૂન હશે.
'દ્રશ્યમ' વર્ષ 2015માં હિન્દીમાં રિલીઝ થઈ હતી
જણાવી દઈએ કે 'દ્રશ્યમ' વર્ષ 2015માં હિન્દીમાં આવી હતી જેમાં અજય દેવગન, તબ્બુ, શ્રિયા સરન, ઈશિતા દત્તા અને રિષભ ચઢ્ઢાએ મહત્વની ભૂમિકા ભજવી હતી. તેનું નિર્દેશન નિશિકાંત કામતે કર્યું હતું, જેઓ હવે આ દુનિયામાં નથી. ફિલ્મના બોક્સ ઓફિસ કલેક્શનની વાત કરીએ તો તે 38 કરોડમાં બની હતી અને તેણે વિશ્વભરમાં 111 કરોડનું કલેક્શન કર્યું હતું. તેનો બીજો ભાગ વર્ષ 2022માં રિલીઝ થયો હતો.
ચીન, ઇન્ડોનેશિયા પછી કોરિયન રિમેક
ચીનમાં રીમેક થનારી આ પહેલી ભારતીય ફિલ્મ છે. સપ્ટેમ્બર 2021માં ઇન્ડોનેશિયન રિમેકની જાહેરાત કરવામાં આવી હતી. તે ઇન્ડોનેશિયનમાં રીમેક થનારી પ્રથમ ભારતીય ફિલ્મ બની હતી. કોરિયન રિમેકની જાહેરાત મે 2023માં કરવામાં આવી હતી અને તે કોરિયનમાં રિમેક થનારી પ્રથમ ભારતીય ફિલ્મ બની છે.
'દ્રશ્યમ' વર્ષ 2013માં મલયાલમ ભાષામાં બની હતી. આ ક્રાઈમ-થ્રિલર ફિલ્મ જીતુ જોસેફ દ્વારા લખવામાં અને નિર્દેશિત કરવામાં આવી હતી જેમાં મોહનલાલ અને મીના ઉપરાંત અન્સીબા હાસન, એસ્થર અનિલ, કલાભવન શાજોન, આશા શરથ, સિદ્દીકી, રોશન બસીર અને નીરજ માધવ સહાયક ભૂમિકામાં હતા. આ પછી ફિલ્મ 'દ્રશ્યમ 2'નો બીજો ભાગ વર્ષ 2021માં રીલિઝ થયો હતો.
