હેલ્થ ટિપ્સ / મોટા ભાગના લોકો કરે છે આવી ભૂલ! સવારે ઉઠતાંવેંત જ ચા કોફી પીવાની ટેવ હોય તો ચેતજો, ડૉક્ટરે બતાવ્યું કઈ રીતે હેલ્થ માટે છે હાનિકારક

• અનેક લોકો એક કપ ગરમ કોફીથી દિવસની શરૂઆત કરે છે
• સવારે ઉઠતાવેંત કોફીનું સેવન ના કરવું જોઈએ
• આ પ્રકારે કરવાથી બ્લડ શુગર લેવલ વધી શકે છે

અનેક લોકો એક કપ ગરમ કોફીથી દિવસની શરૂઆત કરે છે. કોફી પીધા પછી એનર્જેટીક અને ફ્રેશ ફીલ થાય છે. કોફીમાં કેફીન હોય છે, જે લોહીમાં ભળી જાય તો બ્રેઈનનો થાક દૂર કરીને બ્રેઈન એક્ટીવ કરી દે છે. સવારે ઉઠતાવેંત કોફીનું સેવન ના કરવું જોઈએ, નહીંતર બ્લડ શુગર લેવલ વધી શકે છે. જેના કારણે અનેક સમસ્યા થઈ શકે છે, જેમાં ડાયાબિટીસ પણ શામેલ છે.

કેફીન કઈ રીતે કામ કરે છે?
ઉઠતા પહેલા આખા દિવસ માટે શરીરને તૈયાર કરવા માટે શરીરમાં કોર્ટિસોલ હોર્મોન રિલીઝ થાય છે. કોર્ટિસોલ લેવલ પહેલેથી જ વધી ગયું હોવાની પરિસ્થિતિમાં કોફીનું સેવન કરવાથી બ્લડ શુગર લેવલ વધી શકે છે. દૂધ વગરની કોફી પીવાથી પણ આ સમસ્યા થાય છે. નિષ્ણાંતો અનુસાર સવારે ઉઠીએ તેના એક કલાક પછી કોફીનું સેવન કરવું જોઈએ, ત્યાં સુધીમાં કોર્ટિસોલ હોર્મોન લેવલ ઓછું થવા લાગે છે. આ પ્રકારે બ્લડ શુગર કંટ્રોલ કરી શકાય છે. ભોજન કર્યા પછી ચાલવાથી પણ બ્લડ શુગર લેવલ ઓછું થઈ શકે છે. ચાલવા માટે મસલ્સ વધારાના શુગરનો ઉપયોગ કરે છે. બ્લડ શુગર કંટ્રોલમાં ના રહે તો ધમનીઓ અને તંત્રિકા તંત્રને નુકસાન થઈ શકે છે. 

ભારતમાં ડાયાબિટીસના દર્દી
ભારતમાં 10 કરોડ લોકો ડાયાબિટીસ, 13.60 કરોડ પ્રી-ડાયાબિટીસના દર્દીઓ, 31.5 કરોડ હાઈ બ્લડપ્રેશરના દર્દીઓ છે. ખૂબ જ ઓછા લોકોને ખબર હોય છે કે, તેઓ આ બિમારીથી પીડાઈ રહ્યા છે. યૂ.કેમાં સાત મિલિયન પ્રીડાયાબિટીસના દર્દી છે અને તેમને ટાઈપ 2 ડાયાબિટીસ છે. ટાઈપ 2 ડાયાબિટીસ પહેલા માત્ર પ્રીડાયાબિટીસ થાય તો પણ મૃત્યુ થવાનું જોખમ 60 ટકા વધી જાય છે. 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)