ધર્મ / તમારા ઘરમાં પણ છે તુલસી? તો આટલું જાણી લેજો, રામા-શ્યામા તુલસીમાં છે ફર્ક, જાણો શેનું છે સૌથી વધારે મહત્વ

• હિન્દુ ધર્મમાં તુલસીનું અનેરું મહત્વ
• તુલસીમાં માતા તુલસીનો અને ભગવાન વિષ્ણુનો નિવાસ
• રામાં અને શ્યામા તુલસીમા ભિન્નતા

હિન્દુ ધર્મમાં તુલસીના છોડને પવિત્ર ગણવામાં આવે છે. જેને લઇને તુલસીના છોડનું ખૂબ જ મહત્વ છે  માન્યતા અનુસાર તુલસીમાં માતા તુલસીનો અને ભગવાન વિષ્ણુનો નિવાસ હોવાનું માનવામાં આવી રહ્યું છે. આથી તુલસીની પૂજા કરવાથી બંનેના આશીર્વાદ મળે છે. બીજી તરફ તુલસીના છોડમાં સકારાત્મક ઊર્જાનો સંચાર થતો હોવાનું પણ મનાઈ છે. ત્યારે તુલસીના રામા 
અને શ્યામા એમ બે પ્રકાર છે. આ બંને તુલસીનું અલગ-અલગ મહત્વ છે, શાસ્ત્રોમાં જણાવ્યા અનુસાર તુલસી ઘરમાં રાખવાથી ફાયદો થાય છે. ત્યારે રામાં અને શ્યામા તુલસીમા ભિન્નતા હોય છે.

રામાં તુલસી

ઘેરા લીલા રંગની રામા તુલસી ભગવાન રામને ખૂબ પ્રિય હોવાનું માનવમમાં આવે છે. વધુમાં તેને રામા તુલસી પણ કહેવામાં આવે છે. રામા પાન ખૂબ જ મીઠા હોય છે અને તેને ઘરમાં લગાવવું ખૂબ જ શુભ માનવામાં આવે છે. આ છોડને  ઘરમાં રાખવાથી સુખ-સમૃદ્ધિ વધે છે. વધુમાં પૂજામાં માત્ર રામા તુલસીનો ઉપયોગ કરવામાં આવે છે.

શ્યામા તુલસી

હિંદુ શાસ્ત્રોમાં જણાવ્યું આનુસર શ્યામા તુલસી ભગવાન શ્રીકૃષ્ણને ખૂબ પ્રિય હતી.  કાન્હાનું એક નામ શ્યામ પણ છે. જેના પરથી જ આ તુલસીને શ્યામા તુલસી તરીકે ઓળખવામાં આવે છે. શ્યામા તુલસીના પાંદડા ઘેરા લીલા અથવા જાંબલી રંગના હોય છે. તેમાં રામ તુલસી કરતાં ઓછી મીઠાશ હોય છે. શાસ્ત્રો અનુસાર રામ અને શ્યામા તુલસી બંનેનું પોત-પોતાનું મહત્વ હોવાથી બન્ને છોડ ઘરમાં લગાવી શકાય છે. રામાં તુલસી વધુ મહત્વનો છોડ છે. તુલસી પ્રગતિનો માર્ગ ખોલે છે. તુલસી વાવવા માટે ગુરુવાર, શુક્રવાર અને શનિવાર  સૌથી શુભ દિવસો માનવામાં આવે છે. આ દિવસોમાં ભગવાન વિષ્ણુ અને માતા લક્ષ્મીની કૃપાથી તુલસીની માળા કરવાથી વ્યક્તિને અઢળક ધન અને સુખની પ્રાપ્તિ થાય છે.

(DISCLAIMER: ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. આથી અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી અમારી નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.)