ગાંધીનગર / ભાવ ઓછો હોવાના કારણે ગુજરાતની ખાનગી હોસ્પિટલોમાં ત્રણ દિવસ બંધ રહેશે PMJAY હેઠળની ડાયાલિસીસ, જાણો શું છે મામલો

• ગુજરાતની ખાનગી હોસ્પિટલોમાં PMJAY ડાયાલિસિસ બંધ રહેશે
• 14થી 16 ઓગસ્ટ સુધી ડાયાલિસિસ સારવાર બંધ રહેશે
• ડાયાલિસિસની રકમમાં 17%નો ઘટાડો કરતા વિરોધ 

ગુજરાતમાં ડાયાલિસીની સેવા આપતી PMJAY હેઠળની ખાનગી હોસ્પિટલો મોરચો મોરચો માંડ્યો છે. તેમણે ત્રણ દિવસ માટે ડાયાલિસીની સેવા બંધ રાખવાનો નિર્ણય કર્યો છે. અત્રે જણાવીએ કે, 14થી 16 ઓગસ્ટ PMJAY હેઠળની ડાયાલિસિસ સારવાર બંધ રાખવામા આવશે.

17 ટકાનો ઘટાડો કરતા વિરોધ
PMJAY હેઠળના ડાયાલિસિસની રકમમાં 17 ટકાનો ઘટાડો કરતા વિરોધ કરવામાં આવી રહ્યો છે. નેફ્રોલોજી એસોસિએશને રાજ્યમાં સારવાર બંધ રાખવાની જાહેરાત કરી છે. ડાયાલિસિસની રકમ 2 હજારથી ઘટાડી 1 હજાર 650 કરાતા વિરોધ કરાઈ રહ્યો છે. જેને લઈ ડાયાલિસિસના દર્દીઓએ 3 દિવસ સરકારી સેન્ટરોમાં સારવાર લેવી પડશે અને હાલાકી ભોગવવી પડશે.

ડાયાલિસિસ ફિલ્ટર પુન:ઉપયોગમાં લેવા મંજૂરીની માગ
નેશનલ હેલ્થ ઓથોરિટીની માર્ગદર્શિકા પ્રમાણે પેકેજ ચૂકવવા માગ કરવામાં આવી છે. વધુમાં અન્ય રાજ્યોની જેમ ડાયાલિસિસ પેકેજની રકમ 2 હજાર 500 કરવાની પણ માગ કરાઈ છે. કેન્દ્રીય માર્ગદર્શિકા મુજબ ડાયાલિસિસ ફિલ્ટર પુન:ઉપયોગમાં લેવા સરકાર મંજૂરી આપે તેવી પણ માગ કરવામાં આવી રહી છે.