ક્રિકેટ / 'હીરો બનતા નથી, તેઓ જન્મે છે અને ધોનીએ તે સાબિત કર્યું', માહી એ પૂરું કર્યું 88 વર્ષની મહિલાનું સપનું

• ધોની એક 88 વર્ષની મહિલા ફેનને મળ્યો હતો
• દરેક લોકો ધોનીની પ્રસંશા કરી રહ્યા છે
• અભિનેત્રી ખુશ્બુ સુંદરે એક ટ્વીટ શેર કર્યું છે

ટીમ ઈન્ડિયાના પૂર્વ કેપ્ટન મહેન્દ્ર સિંહ ધોનીની ફેન ફોલોઈંગ ઘણી વધારે છે. એવામાં ઘણા ચાહકો તેને ભગવાન માને છે અને આ વાતનો નમૂનો સોશિયલ મીડિયા પર ઘણી વાર હોવા પણ મળ્યો છે. આ સાથે જ ઘણી વખત એવું જોવા મળ્યું છે કે ધોનીના ફેન્સ તેને મળવા માટે સ્ટેડિયમમાં દોડી આવે છે અને મહેન્દ્ર સિંહ ધોની પોતાની આદતોથી કોઈનું પણ દિલ જીતી લે છે. એવામાં હાલમાં જ ધોની એક 88 વર્ષની મહિલા ફેનને મળ્યો હતો અને એ કારણે દરેક લોકો ધોનીની પ્રસંશા કરી રહ્યા છે.  

વાત એમ છે કે તાજેતરમાં અભિનેત્રી ખુશ્બુ સુંદરે એક ટ્વીટ શેર  કર્યું છે જે ઝડપથી વાયરલ થઈ રહી છે, જેમાં લખ્યું છે કે હીરો બનતા નથી, તેઓ જન્મે છે અને ધોનીએ તેને સાચું સાબિત કર્યું, ધોની આજે મારી 88 વર્ષની સાસુને મળ્યા અને મારી પાસે આ માટે શબ્દો નથી. મારા સાસુને ધોની સિવાય કોઈ દેખાતું નથી અને માહીએ તમની સાથે મુલાકાત કરીને તેની ઉંમરમાં સારા સ્વાસ્થ્ય અને ખુશીના થોડા વર્ષો ઉમેર્યા છે.

Heroes are not made, they are born. Dhoni proves that. I am at loss for words for our CSK #Thala @msdhoni at his warmth & hospitality. He met my ma in law, who at 88, hero worships Dhoni & cannot see beyond him. Mahi, you have added many years of good health & happiness to her… pic.twitter.com/darszdzb62

— KhushbuSundar (@khushsundar) April 14, 2023

જણાવી દઈએ કે ખુશ્બુ સુંદરે પોતાના કરિયરમાં ઘણી હિટ ફિલ્મોમાં કામ કર્યું છે અને હાલમાં તે રાજકારણમાં ઘણી એક્ટિવ છે. હાલ આઈપીએલ ચાલી રહ્યો છે અને ચાહકોને આ ફોટો ખૂબ જ પસંદ આવી રહ્યો છે. જો કે આ ટ્વિટમાં લોકો ખૂબ કોમેન્ટ કરી રહ્યા છે અને ફોટોમાં સ્પષ્ટપણે જોઈ શકાય છે કે 88 વર્ષની મહિલા મહેન્દ્ર સિંહ ધોનીને મળીને ઘણી ખુશ છે. આ સાથે જ વાયરલ થયેલ આ ફોટોમાં જોવા મળે છે કે 88 વર્ષની મહિલા માહીને ગાલ પર કિસ કરી રહી છે. 

ધોનીએ IPL 2023ની ચાર મેચોની ત્રણ ઇનિંગ્સમાં 58ની એવરેજ અને 215ની આસપાસના સ્ટ્રાઇક રેટથી રન બનાવ્યા છે અને સર્વોચ્ચ સ્કોર 32 રન હતો.