પ્રતિક્રિયા / 'હિન્દુ તથા સનાતનીઓ માટે આ સૌથી મોટી જીત', રામ મંદિરની પ્રાણ પ્રતિષ્ઠા પહેલાં ધીરેન્દ્ર શાસ્ત્રીનું મોટું નિવેદન

• અયોધ્યા રામમંદિરને લઈ બાબા બાગેશ્વરનું નિવેદન 
• રામ મંદિરના નિર્માણ એ સનાતન ધર્મ અને હિન્દુઓની અત્યાર સુધીની સૌથી મોટી જીત 
• રામ મંદિર તો બની ગયું છે પરંતુ જ્ઞાનવાપી અને મથુરા હજુ બાકી: બાબા બાગેશ્વર

Ayodhya Ram Mandir : અયોધ્યા રામમંદિરને લઈ હવે બાબા બાગેશ્વરનું નિવેદન સામે આવ્યું છે. વાત જાણે એમ છે કે, બાગેશ્વર ધામના ધીરેન્દ્ર કૃષ્ણ શાસ્ત્રીએ અયોધ્યામાં રામ મંદિરના નિર્માણને સનાતન ધર્મ અને હિન્દુઓની અત્યાર સુધીની સૌથી મોટી જીત ગણાવી છે. 22 જાન્યુઆરીએ તેઓ અયોધ્યા જશે તેની પુષ્ટિ કરતા ધીરેન્દ્ર શાસ્ત્રીએ કહ્યું કે, માત્ર તે જ વ્યક્તિ કમનસીબ હશે જે આ દિવસની રાહ જોતો નથી. તેમણે કહ્યું કે, સમગ્ર વિશ્વમાં સ્થાયી થયેલા ભારતીય મૂળના લોકો આની રાહ જોઈ રહ્યા છે. જોકે તેમણે એમ પણ કહ્યું કે, રામ મંદિર તો બની ગયું છે પરંતુ જ્ઞાનવાપી અને મથુરા હજુ બાકી છે.

શું કહ્યું ધીરેન્દ્ર શાસ્ત્રીએ ? 
ન્યૂઝ એજન્સી ANI સાથે વાત કરતા ધીરેન્દ્ર શાસ્ત્રીએ કહ્યું, આ અત્યાર સુધીના તમામ સનાતનીઓ અને હિન્દુઓની સૌથી મોટી જીત છે. આ તહેવાર દિવાળી કરતાં પણ વિશેષ છે. ચોક્કસ કોઈ કમનસીબ વ્યક્તિ હશે જે આ દિવસની રાહ જોતો નથી, અમને તો છે, રામ ભક્તોને પણ છે અને માત્ર ભારતીયો જ નહીં, વિદેશમાં રહેતા ભારતીય મૂળના લોકો પણ આ દિવસની રાહ જોઈ રહ્યા છે. આપણે તો એટલું જ કહીએ છીએ કે એ દિવસે દિવાળી ઉજવો, ઉત્સવનો ઉત્સાહ છે. 

ધીરેન્દ્ર શાસ્ત્રીએ કહ્યું કે, જે લોકો ભગવાન રામનું સન્માન નથી કરી શકતા તેમણે તેમનું અપમાન પણ ન કરવું જોઈએ. શાસ્ત્રીએ કહ્યું, અમે તેમની શ્રદ્ધા, તેમના ભગવાન વિશે કંઈપણ ખરાબ કહ્યું નથી, તેમના ભગવાનની સાબિતી માંગી નથી. ધીરેન્દ્ર કૃષ્ણ શાસ્ત્રીએ કહ્યું કે, અમે ક્યારેય મક્કા-મદીના તરફ આંગળી ચીંધી નથી, અજમેર તરફ ક્યારેય આંગળી ચીંધી નથી. તેમની લાગણીઓનું આપણે કેટલું ધ્યાન રાખીએ છીએ.

વાંચો વધુ: હનુમાન દાદાની અનુમતિ લઈને અયોધ્યા જશે PM મોદી: સવારથી રાખશે ઉપવાસ, 40 મિનિટ સુધી થશે પૂજા

સમગ્ર વિશ્વનું મીડિયા કવર કરશે 
આ સાથે ધીરેન્દ્ર શાસ્ત્રીએ કહ્યું કે, પહેલીવાર સમગ્ર વિશ્વનું મીડિયા આને કવર કરશે, આ હિન્દુ રાષ્ટ્રની જીત છે. તેમણે કહ્યું કે, આપણા રામ મર્યાદા પુરૂષોત્તમ છે, જાતિવાદથી ઉપર છે, સમગ્ર વિશ્વની એકતામાં માને છે, અનીતિના કૃત્યો કરનારાઓને નિશાન બનાવે છે, રામ જૂઠા ફળો મુક્તપણે ખાય છે.