જ્યોતિષ શાસ્ત્રમાં શનિદેવને ન્યાયનાં દેવતા માનવામાં આવે છે. પોતાની ન્યાયપૂર્ણ દ્રષ્ટિથી તેઓ લોકોને તેમના કર્મો અનુસાર ફળ આપે છે. એટલે જો જોવામાં આવે તો શનિદેવ ક્યારેય કોઈને ખરાબ ફળ નથી આપતા, પણ લોકો પોતાના ખરાબ કર્મોને કારણે શનિદેવને મજબૂર બનાવે છે કે શનિદેવ તમારા જીવનમાં પડકારો લાવે. એટલે જો તમે ઈચ્છો છો કે શનિદેવ તમારા પર પ્રસન્ન રહે અને તમને શુભ ફળ આપતા રહે તો કેટલીક આદતો તમારે છોડી દેવી જોઈએ. મનુષ્યોની કેટલીક એવી આદતો છે કે શનિદેવને જરાક પણ પસંદ નથી. સાડાસાતી, ઢૈયા અને મહાદશા દરમિયાન શનિદેવ તમારી પરીક્ષા સૌથી વધુ લે છે. શનિની આ પરીક્ષામાં પાસ થવા માટે ચાલો જાણીએ કે એવી કઈ આદતો છે જે છોડી દેવી જોઈએ.
જુગાર, સટ્ટો અને વ્યાજખોરી નથી પસંદ
શનિદેવ જુગાર અને સટ્ટાબાજી દ્વારા પૈસા કમાતા લોકોથી નારાજ રહે છે. આવા લોકો પાસે ભલે અઢળક ધન આવી જાય પરંતુ તેઓ હંમેશા માનસિક શાંતિ માટે ઝંખે છે. આ સાથે જે લોકો વ્યાજ લઈને પોતાનું જીવન જીવે છે તેમનાથી પણ શનિદેવ નારાજ રહે છે, આવા લોકોના જીવનમાં શાંતિનો અભાવ હોય છે.
વડીલોનું અપમાન
વડીલોનું અપમાન કરવાથી તમામ દેવી-દેવતાઓ નારાજ થાય છે પરંતુ શનિ આવા લોકોને સખત સજા આપે છે. આવા લોકોને સામાજિક સ્તરે ઘણી સમસ્યાઓનો સામનો કરવો પડે છે, આ લોકોના જીવનમાં હંમેશા સંતુલનનો અભાવ રહે છે.
અનુશાસન ન હોય તો શનિ થાય છે નારાજ
શનિને અવ્યવસ્થિત દિનચર્યા તેમજ ઘરમાં અરાજકતા જરાક પણ પસંદ નથી. જે લોકો સમયનું સન્માન નથી કરતા અને સૂવાનો અને જાગવાનો સમય અનિયમિત હોય છે, આવા લોકો પર શનિની દયા આવતી નથી. જે લોકો શનિદેવના આશીર્વાદ મેળવવા ઈચ્છે છે તેમણે અનુશાસનથી રહેવાનો પ્રયાસ કરવો જોઈએ.
રસોડામાં ગંદકી રાખનાર
જો તમે તમારા ઘરના રસોડાને ગંદુ રાખો છો અને તેને સમય-સમય પર સાફ નથી કરતા, તો આ આદતને જલદીથી બદલી નાખો. આ આદત ન માત્ર તમારા સ્વાસ્થ્ય પર ખરાબ અસર કરશે પરંતુ તમે શનિદેવના આશીર્વાદથી પણ વંચિત રહી શકો છો.
ઉધાર પરત ન કરનારાઓથી શનિ રહે છે અસંતુષ્ટ
જો તમે કોઈની પાસેથી પૈસા ઉધાર લીધા છે અને તેને ચૂકવવામાં વિલંબ કરી રહ્યા છો, તો શનિદેવની ક્રૂર દ્રષ્ટિ તમારા પર પડી શકે છે. શનિ ખાસ કરીને એવા લોકોના જીવનમાં પડકારો લાવી શકે છે જેમની પાસે લોન ચૂકવવા માટે પૈસા છે, અને તેમ છતાં તેઓ લોન ચૂકવી રહ્યા નથી. તેથી, જો તમે પણ કોઈની પાસેથી લોન લીધી હોય, તો તેને સમયસર ચૂકવવાનો પ્રયાસ કરો, તો જ શનિદેવ તમારા પર પ્રસન્ન થશે.
પ્રાણીઓ પ્રત્યે ક્રૂરતા શનિદેવને નથી પસંદ
જે લોકો પ્રાણીઓ પર અત્યાચાર કરે છે, ત્રાસ આપે છે, તેમના પર શનિદેવની કૃપા ક્યારેય વરસતી નથી. શનિના પ્રકોપને કારણે આવા લોકોના જીવનમાં ઘણી સમસ્યાઓ આવી શકે છે. એટલા માટે તમારે ક્યારેય મૂંગા પ્રાણીઓને ત્રાસ આપવો જોઈએ નહીં.
વાસનામાં લિપ્ત રહેનાર
જે લોકો વધુ પડતા વાસનાપૂર્ણ વિચારોથી ઘેરાયેલા હોય છે તેમને શનિદેવના પ્રકોપનો સામનો કરવો પડી શકે છે. આવા લોકોના જીવનમાં શનિ વારંવાર મુશ્કેલ પરિસ્થિતિઓનું નિર્માણ કરી શકે છે.
