ખુશીની પળ / પત્નીએ મુકાબલામાં પાકિસ્તાનને પછાડ્યું, પછી ખિતાબ પણ જીત્યો: ખુશ થઈને સ્ટાર ક્રિકેટર બોલ્યો- ગર્વ છે તારા પર

• દીપિકા પલ્લિકલ અને તેના પાર્ટનર હરિન્દરપાલ સિંહ સંધુએ સ્ક્વોશમાં રચ્યો ઇતિહાસ
• ચીન ખાતે યોજાયેલી સ્પર્ધામાં ખિતાબ જીત્યો
• સ્ટાર ક્રિકેટર દિનેશ કાર્તિક થયો ખુશ

ભારતીય ટીમની સ્ટાર સ્ક્વોશ ખેલાડી દીપિકા પલ્લિકલ કાર્તિક અને તેના પાર્ટનર હરિન્દરપાલ સિંહ સંધુએ ઇતિહાસ રચી દીધો છે. ચીન ખાતે યોજાયેલી સ્પર્ધામાં બનેએ અદભુત અને યશસ્વી પ્રદર્શન કરી એશિયન સ્કોવોશ મિક્સડ ડબલ્સનો ખિતાબ આ જોડીએ પોતાને નામ કર્યો છે. ભારતીય સ્ટાર ક્રિકેટર દિનેશ કાર્તિકની પત્ની અને તેના પાર્ટનરે ચીન ખાતે યોજાયેલી આ ટુર્નામેન્ટમાં સેમિફાઇનલમાં પાકિસ્તાનને પછાડી ખિતાબ જીત્યો હતો. જેને લઇને દિનેશ કાર્તિક ખુશ થયો હતો. પત્ની પર ગર્વ અનુભવી તેને બિરદાવી હતી.

So happy to see this @DipikaPallikal#asianmixeddoubleschampionship#squash #proudhusband pic.twitter.com/QD21eYxoXc

— DK (@DineshKarthik) June 30, 2023

સેમી ફાઇનલમાં પાકિસ્તાની જોડીને તોડી

દીપિકા અને સંધુની ભારતીય જોડીએ સેમિફાઇનલમાં પાકિસ્તાનના તૈયબ અસલમ અને ફૈઝા જફરને પછાડ્યા હતા. તેઓએ ઇવાન અને રસેલને 11- 10, 11-8  થી હરાવી જીત હંસલ કરી હતી. ફાઇનલ સુધીની સફર દરમિયાન બને ભારતીય જોડીએ ક્વાર્ટર ફાઇનલમાં આયરા આઝમાન અને શફિક કમાલની મલેશિયાની જોડીને પણ હરાવી હતી. બાદમાં સેમી ફાઇનલમાં પાકિસ્તાની જોડીને તોડી હતી. 

આનંદ અનુભવું છું અને મને ગર્વ છે

આ ઝળહળતી સફળતા બાદ ક્રિકેટર દિનેશ કાર્તિકે ચીનમાં ભારતનો ધ્વજ લહેરાવતા ટ્વિટ કર્યું હતું. પત્ની દીપિકાની તસવીર શેર કરી તેઓએ ટ્વિટરમાં લખ્યું હતું કે આ જોઈને હું ખૂબ જ આનંદ અનુભવું છું અને મને ગર્વ છે. અત્રે નોંધનીય છે કે દિનેશ કાર્તિકના બીજા લગ્ન દીપિકા સાથે થયા હતા અને પત્ની પણ ખેલાડી છે. તે સ્કોવોશમાં ભારતનું પ્રતિનિધિત્વ કરી રહી છે.  દીપિકા અને દિનેશ કાર્તિક બંને 2013 માં સગાઈ કરી હતી. બાદમાં મંગલ ફેરા ફરી 2015માં ગ્રંથિથી જોડાયા હતા. આ દરમિયાન 2021 માં દિનેશને ત્યાં જોડિયા પુત્રોનો જન્મ થયો હતો.