તીખી પ્રતિક્રિયા / 'જવાબને લાયક પણ નહીં', UNમાં ભારતે ફરી પાકિસ્તાનને પીટ્યું, કાશ્મીર મુદ્દે સંભળાવ્યું સણસણતું

• સંયુક્ત રાષ્ટ્ર સુરક્ષા પરિષદની ચર્ચામાં પાકિસ્તાન મંત્રીએ કાશ્મીર મુદ્દો ઉઠાવ્યો
• ભારતના પ્રતિનિધિ કંબોજએ આપી તીખી પ્રતિક્રિયા 

સંયુક્ત રાષ્ટ્ર સુરક્ષા પરિષદમાં મહિલા શાંતિ અને સુરક્ષા વિષય પર ચર્ચા ચાલી રહી હતી. આંતરરાષ્ટ્રીય મહિલા દિવસની પૂર્વસંધ્યાએ મોઝામ્બિકના રાષ્ટ્રપતિની આગેવાની હેઠળની સુરક્ષા પરિષદની બેઠકમાં ચર્ચા વેળાએ પાકિસ્તાનના વિદેશ પ્રધાન બિલાવલ ભુટ્ટો ઝરદારીએ જમ્મુ અને કાશ્મીરનો ઉલ્લેખ કર્યા હતો. ત્યારબાદ ભારતના પ્રતિનિધિ કંબોજએ તીખી પ્રતિક્રિયા આપી હતી.

પાયા વિહોણી ટિપ્પણીને વખોડી કાઢું

આ દરમિયાન કશ્મીર મુદ્દે પાકિસ્તાનના વિદેશ મંત્રીએ કરેલી ટિપ્પણીનો જવાબ આપતા સંયુક્ત રાષ્ટ્રમાં ભારતના પ્રતિનિધિ રુચિરા કંબોજે તેમના નિવેદનને પાયા વિહાણો અને રાજકીય રીતે ઊભું કરેલું હોવાનું જણાવ્યું હતું. વધુમાં તેમણે કહ્યું કે મારું ભાષણ પૂરું કરતા પહેલા હું જમ્મુ અને કાશ્મીરના કેન્દ્રશાસિત પ્રદેશ અંગે પાકિસ્તાનના પ્રતિનિધિ દ્વારા કરવામાં આવેલી વ્યર્થ અને પાયા વિહોણી તેમજ રાજકીય રીતે ઉભું કરેલી ટિપ્પણીને વખોડી કાઢું છું.

મારૂ પ્રતિનિધિ મંડળ એવું માને છે કે....
 
આ ઉપરાંત રુચિરા કંબોજે કહ્યું કે મારૂ પ્રતિનિધિ મંડળ એવું માને છે કે આવા દુષિતા અને ખોટા પ્રચારનો જવાબ આપો પણ યોગ્ય નથી. તેના કરતાં આપણું ધ્યાન સકારાત્મક દિશાઓમાં વિચારવા વાળું અને આગળ વધવા વાળું હોવું જોઈએ. આજની આ ચર્ચા દરમિયાન મહિલા શાંતિ અને સુરક્ષાના એજન્ડા પર સંપૂર્ણ રીતે અમલ કરવામાં સામૂહિક પ્રયાસની મજબૂત કરવાની હોવી જોઈએ. આ વિષયનું સન્માન જાળવી અમારું ધ્યાન આ વિષય પર હોવું જ જોઈએ.