દેશ / દુનિયાભરમાં વેક્સિનકિંગ તરીકે જાણીતા સાયરસ પૂણાવાલાને આવ્યો હાર્ટઍટેક, એન્જિયોપ્લાસ્ટી બાદ હાલ ICUમાં દાખલ

• વેક્સિનકિંગ પૂનાવાલાને આવ્યો હાર્ટઅટેક
• 82 વર્ષીય સાયરલ પૂનાવાલા હોસ્પિટલમાં દાખલ
• ડોક્ટર્સ અનુસાર તેમની એન્જિયોપ્લાસ્ટી કરવામાં આવી

કોવિડ-19ની ભારતીય વેક્સિન બનાવનારા 82 વર્ષીય સાયરસ પૂનાવાલાને હાર્ટઅટેક આવ્યો છે. માહિતી અનુસાર તેઓ હાલમાં પૂણેની એક હોસ્પિટલમાં દાખલ છે. ટ્રીટમેન્ટ દરમિયાન તેમની એન્જિયોપ્લાસ્ટી કરવામાં આવી હતી. હાલમાં પૂનાવાલાની તબિયતમાં ઘણો સુધારો જોવા મળ્યો છે. 

વેક્સિનકિંગ પૂનાવાલા
પૂનાવાલાની કંપનીએ કોરોના વાયરસની વેક્સિન 'કોવીશીલ્ડ' બનાવી હતી. કંપનીનાં માલિક 82 વર્ષીય સાયરસ પૂનાવાલાને 16મી નવેમ્બરે હાર્ટઅટેક આવ્યો હતો. આ બાદ તેમને પૂણેની રુબી હોલ ક્લિનિક હોસ્પિટલમાં દાખલ કરવામાં આવ્યાં. ડોક્ટર્સ અનુસાર સાયરસ પૂનાવાલા હાલમાં ICUમાં દાખલ છે અને તેમના સ્વાસ્થ્યમાં સુધારો નોંધાયો છે. થોડા દિવસોની સારવાર બાદ તેમને રજા આપવામાં આવશે.

આ ડોક્ટર્સે કરી ટ્રિટમેંટ
હોસ્પિટલે એક નિવેદન દરમિયાન જણાવ્યું કે સાયરસ પૂનાવાલાની એંજિયોપ્લાસ્ટી  ડો. પરવેઝ ગ્રાંટ, મૈકલે અને ડો. અભિજીત ખારડેકરની દેખરેખ હેઠળ કરવામાં આવી છે. તેઓ ઝડપથી રિકવર થઈ રહ્યાં છે અને તેમનું સ્વાસ્થ્ય હાલમાં સારું છે.

કોણ છે સાયરસ પૂનાવાલા?
સાયરસ પૂનાવાલા પણ દેશના ટોપ 10 અમીર લોકોની યાદીમાં સામેલ છે. ડૉ. પૂનાવાલા ‘ફોર્બ્સ ઈન્ડિયા’ના ટોપ-100 અમીરોની લિસ્ટમાં 10માં ક્રમે હતાં. આશરે રૂ. 83,000 કરોડની સંપત્તિ ધરાવનાર પૂનાવાલાની કંપની 'સીરમ ઇન્સ્ટિટ્યૂટ ઓફ ઇન્ડિયા (SII)' વિશ્વની સૌથી મોટી વેક્સિન ઉત્પાદક કંપની છે. તેણે કોરોના સહિત અનેક રોગોની રસી બનાવી છે.