કર્ણાટક / PM મોદીનું કામકાજ કેવું ? ઓપિનિયન પોલમાં લોકોએ જણાવી દીધી 'મન કી બાત'

• કર્ણાટકમાં 10 મેના રોજ યોજાશે વિધાનસભા ચૂંટણી 
• તમામ રાજકીય પક્ષો જોર જોરથી પ્રચારમાં વ્યસ્ત
• કર્ણાટક ઓપિનિયન પોલમાં મોદીની ધૂમ
• 48 ટકા લોકોએ પીએમ મોદીના કામને પસંદ કર્યું 

કર્ણાટકમાં 10 મેના રોજ યોજાનારી વિધાનસભા ચૂંટણી માટેનો પ્રચાર આગામી બે દિવસમાં એટલે કે 8 મેના રોજ સમાપ્ત થશે. 13મી મેના રોજ આવનારા પરિણામો પોતાના પક્ષમાં લાવવા માટે તમામ રાજકીય પક્ષો જોર જોરથી પ્રચારમાં વ્યસ્ત છે. રાજ્યમાં કઈ પાર્ટીની સરકાર બનશે તે નક્કી થવામાં હવે બહુ દિવસો બાકી નથી. અગાઉ એક ખાનગી ચેનલે C-Voter સાથે મળીને એક સર્વે કર્યો હતો, જેનો ઓપિનિયન પોલ સામે આવ્યો છે. સી-વોટરે મતદાન પહેલા એક ખાનગી ન્યૂઝ માટે અંતિમ ઓપિનિયન પોલ કર્યો છે. આ સર્વેમાં લોકોનો મૂડ જાણવા માટે સતત 12 અઠવાડિયામાં 73 હજાર 774 લોકો સાથે વાત કરવામાં આવી છે. 29 એપ્રિલે છેલ્લો ઓપિનિયન પોલ દર્શાવ્યા બાદ 6 હજાર 420 લોકોના અભિપ્રાય લેવામાં આવ્યા હતા. તમામ 224 સીટો પર સર્વે કરવામાં આવ્યો છે. તેમાં ભૂલનું માર્જિન વત્તા માઈનસ 3 થી પ્લસ માઈનસ 5 ટકા છે.

કેવું છે પીએમ મોદીનું કામ?

સ્ત્રોત- C-Voter

• સારું - 48 ટકા
• સરેરાશ - 19 ટકા
• ખરાબ - 33 ટકા

વોટિંગ પહેલા કર્ણાટકના લોકોને પૂછવામાં આવ્યું કે તેમને વડાપ્રધાન નરેન્દ્ર મોદીનું પ્રદર્શન કેવું લાગ્યું. ઓપિનિયન પોલમાં સામેલ લોકોમાંથી 48 ટકા લોકોએ પીએમ મોદીના કામને પસંદ કર્યું છે. જ્યારે 33 ટકા લોકો એવા છે જેમને પીએમ મોદીનું કામ ખરાબ લાગ્યું છે. આ સાથે 19 ટકા લોકોને વડાપ્રધાનનું કામ સરેરાશ લાગ્યું છે.

નોંધ: એક ખાનગી ચેનલ દ્વારા આ સર્વે માત્ર સમાચાર માટે કર્યો છે. સર્વેના પરિણામો સંપૂર્ણપણે લોકો સાથેની વાતચીત અને તેમના દ્વારા વ્યક્ત કરાયેલા અભિપ્રાય પર આધારિત છે. VTV ગુજરાતી આ માટે જવાબદાર નથી.