સ્ટેડિયમ વિવાદ / દેશમાં જાણો કોના નામે કેટલાં સ્ટૅડિયમ, ક્રિકેટર્સના નામે એક પણ નહીં

• રાજનેતાને નામે ક્રિકેટ સ્ટેડિયમનું નામ કોઈ નવી વાત નથી
• પૂર્વ વડાપ્રધાન જવાહરલાલ નહેરુને નામે 9 સ્ટેડિયમ 
• પૂર્વ અટલ બિહારી વાજપેયીને નામે દેશમાં 2 ક્રિકેટ સ્ટેડિયમ છે.

દેશમાં ક્રિકેટરોને નામે ભલે કોઈ ઈન્ટરનેશનલ સ્ટેડિયમનું નામ ન હોય પરંતુ નેતાઓ, ખેલ પ્રશાસકો અને બ્રિટીશ રાજના અધિકારીઓને નામે સ્ટેડિયમના નામ રખાયા હોય તેવા દાખલા છે.

જવાહરલાલ નહેરુના નામે 9 સ્ટેડિયમ
પૂર્વ વડાપ્રધાન જવાહરલાલ નહેરુને નામે 9 સ્ટેડિયમ આવેલા છે, નવી દિલ્હી, ચેન્નઈ, કોચી, ઈન્દોર, ગુવહાટી, મરાગો, પુણે અને ગાઝિયાબાદ.

રાજીવ ગાંધીને નામે સ્ટેડિયમ, ઈન્દીરાને નામે 3 એરિના
પૂર્વ વડાપ્રધાન રાજીવ ગાંધીને નામે હૈદરાબાદ સ્થિત ક્રિકેટ સ્ટેડિયમનું નામ રખાયું છે. જ્યાં પ્રવેશદ્વાર પર રાજીવ ગાંધીનું કટ પોટ્રેટ લગાડવામાં આવ્યું છે. પૂર્વ વડાપ્રધાન ઈન્દીરા ગાંધીના નામે પણ દેશમાં 3 એરિન છે, ગુવહાટી, નવી દિલ્હી અને વિજયવાડા. 

અટલ બિહારીને નામે 2 સ્ટેડિયમ
પૂર્વ અટલ બિહારી વાજપેયીને નામે દેશમાં 2 ક્રિકેટ સ્ટેડિયમ છે. એક લખનઉ અને બીજું હિમાચલપ્રદેશમાં. વલસાડમાં પણ સરદાર વલ્લભભાઈ પટેલને નામે સ્ટેડિયમ છે.

2019 માં ફિરોઝશાહ કોટલા સ્ટેડિયમનું નામ બદલીને જેટલી કરી દેવાયુ
2019 માં નવી દિલ્હીના ફિરોઝ શાહ કોટલા સ્ટેડિયમનું નામ બદલીને અરુણ જેટલી સ્ટેડિયમ કરવામાં આવ્યું હતું. આ મેદાન પર અનિલ કુંબલેએ ટેસ્ટની એક પારીમાં તમામ 10 વિકેટ પોતાને નામે કરવાનો ઈતિહાસ રચ્યો હતો. 

ક્રિકેટરના નામે એક પણ સ્ટેડિયમ નહીં,
ભારતમાં ક્રિકેટરના નામે એક પણ સ્ટેડિયમ નથી. જોકે ક્રિકેટ પ્રશાસકોના નામે સ્ટેડિયમ છે. જેમાં ચેન્નઈના એમએ ચિદંબરમ, બેંગ્લુરુના ચિન્નાસ્વામી, મુંબઈનું વાનખેડે અને મોહાલીનું આઈએસ બિન્દ્રા સ્ટેડિયમવ વગેરે.