આસ્થાને ઠેસ / સુરતમાં 8 ગૌવંશની ઘાતકી હત્યા: ગાયપ્રેમીઓ અને પોલીસની રેડમાં 5 લાખનું ગૌમાસ ઝડપાયું, 1નો જીવ બચ્યો

• સુરત ચોક બજારમાં રેડ
• ગૌ રક્ષકો અને પોલીસે સાથે મળી રેડ કરી
• રેડ દરમ્યાન ગૌ માંસ ઝડપાયું

સુરત ચોક બજારમાં આજે કેટલાક ગૌ રક્ષકો અને પોલીસે સાથે મળી રેડ કરી હતી. ત્યારે સાબરી નગર ચોક બજારની ઘટના બનવા પામી હતી. રેડ દરમ્યાન ગૌ માંસ ઝડપાયું હતું.તેમજ એક વાછરડું જીવતું મળી આવ્યું હતું. ત્યારે અગાઉ પણ આરોપી ગૌ હત્યામાં ઝડપાઈ ચૂક્યો છે. પોલીસે 5 લાખથી વધુનો ગૌ માંસનો જથ્થો ઝડપી પાડ્યો હતો. પોલીસને જોઈ ખાટકી ભાગી જવા પામ્યો હતો. ત્યારે પોલીસે તેને પકડવાની કાર્યવાહિ શરૂ કરી છે. આ ઘટનાને પગલે ગૌ રક્ષકોમાં રોષની લાગણી જોવા મળી હતી. ત્યારે નિર્દોષ ગૌવંશોની હત્યા કરનાર આરોપીનાં મકાન પર બુલડોઝર ફેરવવામાં આવે તેવી માંગ ઉઠવા પામી છે.

ગૌ રક્ષકો એક વાછરડાને બચાવવામાં સફળ રહ્યા હતા
સુરત શહેરમાં ચોક બજાર વિસ્તારમાં અલ્તાફ પૂંઠાવાલાનાં ઘરે અચાનક ગૌ રક્ષકો દ્વારા દરોડો પાડવામાં આવ્યો હતો. ત્યારે પોલીસને જોઈ અલ્તાફ પૂંઠાવાલા ફરાર થઈ ગયો હતો. ઘટના સ્થળ પરથી પોલીસને આઠ ગૌવંશની કતલ કરી હોવાનું જાણવા મળ્યું હતું. ત્યારે ગૌ રક્ષકો એક વાછરડાને બચાવવામાં સફળ રહ્યા હતા.

પ્રાણી ફાઉન્ડેશન તેમજ ગૌ રક્ષકોમાં રોષ
ત્યારે પ્રાણી ફાઉન્ડેશનનાં નેહા પટેલે જણાવ્યું હતું કે, આવી ઘટનાઓ અવાર નવાર બને છે. ત્યારે આવી ઘટનાઓને પગલે ગૌ રક્ષકો તેમજ પ્રાણી ફાઉન્ડેશનનાં લોકોમાં રોષ જોવા મળ્યો હતો.  ત્યારે જવાબદાર વ્યક્તિઓને કડકમાં કડક સજા થાય તેવી માંગ પણ કરી હતી.

ગુજસીટોક હેઠળ ધરપકડ કરી દાખલારૂપ સજા કરવામાં આવે તેવી માંગ
ખાટકી અલ્તાફ પૂંઠાવાલાને ત્યાં થોડા સમય અગાઉ પણ ગૌ રક્ષકો દ્વારા રેડ કરવામાં આવી હતી. જે બાદ અલ્તાફ પૂંઠાવાલા દર વખતે બચી જાય છે. તેમજ રેડ પડતાની સાથે જ તે ઘટના સ્થળેથી ભાગી જાય છે. આવા આરોપીઓની ગુજસીટોક હેઠળ ધરપકડ કરી તેઓને એક દાખલારૂપ સજા કરવામાં આવે તેવી ગૌ રક્ષકો માંગણી કરી રહ્યા છે.