મહામારી / શું દર્દીના મૃતદેહમાંથી કોરોના ફેલાય છે? તમારે જાણી લેવો જોઈએ દેશના ટોચના ફોરેન્સિક નિષ્ણાંતનો જવાબ

• દિલ્હી એમ્સના ફોરેન્સિક વિભાગના પ્રમુખ ડો.સુધીર ગુપ્તાનું મંતવ્ય 
• દર્દીના મોતના 12 થી લઈને 24 કલાક સુધી કોરોના સક્રિય રહેતો નથી
• મોતના 24 કલાક બાદ કોરોના વાયરસ જીવિત રહેતો નથી 

ડો.સુધીર ગુપ્તાએ જણાવ્યું કે મોતના 12 થી 24 કલાકની વચ્ચે લગભગ 100 લાશોની કોરોનાની તપાસ કરવામાં આવી હતી જેના રિપોર્ટ નેગેટિવ આવ્યાં છે. 

સંક્રમિત વ્યક્તિના મોતના 12 થી 24 કલાક બાદ કોરોના સંક્રમણનો ખતરો વધારે રહેતો નથી.

ડોક્ટર ગુપ્તાએ જણાવ્યું કે એક સંક્રમિત વ્યક્તિના મોતના 12 થી 24 કલાક બાદ કોરોના સંક્રમણનો ખતરો વધારે રહેતો નથી. છેલ્લા એક વર્ષમાં એમ્સમાં ફોરેન્સિક મેડિસીન વિભાગમાં કોવિડ-19 પોઝિટીવ મેડિકો લીગલ કેસો પર એક સ્ટડી કરાયો હતો. આ કેસોમાં પોસ્ટમોર્ટમ કરાયું હતું. સુરક્ષાની દ્રષ્ટિએ પાર્થિવ શરીરમાંથી તરલ પદાર્થને બહાર આવતા અટકાવવા નાક અને મોંઢાને બંધ કરવા જોઈએ. 

અસ્થિઓ અને રાખ સંપૂર્ણ રીતે સુરક્ષિત, કોરોનાના ફેલાવાનો કોઈ ખતરો  નહીં 

ડો.ગુપ્તાએ ક હ્યું કે અસ્થિઓ અને રાખ સંપૂર્ણ રીતે સુરક્ષિત છે કારણ કે તેમાંથી કોરોના વાયરસના ફેલાવાનો કોઈ ખતરો  નથી. દેશમાં કોરોના વાયરસની બીજી લહેર નબળી પડી રહી છે તો છેલ્લા 42 દિવસમાં ગઈકાલે સૌથી ઓછા કેસ નોંધાયા છે. સોમવારે 1 લાખ 95 હજાર 685 લોકો કોરોના પોઝિટિવ આવ્યા છે અને સાથે 24 કલાકમાં 3496 લોકોના મોત થયા છે. રાહતની વાત એ છે કે આ સમયે 3 લાખ 26 હજાર 671 લોકોએ કોરોનાને માત આપી છે.  

શું કહે છે સ્વાસ્થ્ય મંત્રાલયના આંકડા
મળતી માહિતી અનુસાર દેશમાં અત્યાર સુધીમાં 2 કરોડ 67 લાખ 52 હજાર 447 કોરોનાના કેસ આવ્યા છે. જેમાં 2 કરોડ 37 લાખ 28 હજાર લોકો વાયરસને માત આપી ચૂક્યા છે. વાયરસથી કુલ 3 લાખ 3 હજાર 720 લોકોએ જીવ ખોવ્યા છે. દેશમાં 27 લાખ 20 હજાર 716 એક્ટિવ કેસ છે જેની સારવાર ચાલી રહી છે.  

મધ્યપ્રદેશને કોરોના ફ્રી કરવા માટે સરકારે કર્યો આ ખાસ પ્લાન
મધ્યપ્રદેશને કોરોના ફ્રી કરવા માટે સરકારે અનેક ગામને રેડ, યલો અને ગ્રીન ઝોનમાં વહેચી દીધા છે. મોતમાં મહારાષ્ટ્ર, કર્ણાટક અને તમિલનાડુ દેશના એ 10 રાજ્યોમાં સામેલ છે જ્યાં કોરોનાથી થતા મોતમાં 73.88 ટકાની ભાગીદારી છે.