ભોં માંથી ભ્રષ્ટાચાર / હવે એસ ટીની ભરતીમાં ભ્રષ્ટાચાર ? નિગમના પૂર્વ ડીરેક્ટર જશુ ભીલ પર નાણા પડાવ્યાના આરોપથી ખળભળાટ

• છોટા ઉદેપુર પંથકના નેતા પર ભ્રષ્ટાચારનો આરોપ 
• એસ.ટી વિભાગની ભરતી માટે નાણા આપ્યાનો આરોપ 
• લોક ડાઉન સમયમાં વાતચીતનો વિડીયો વાયરલ થતા ચકચાર 

ગુજરાતમાં   ભરતીમાં ભ્રષ્ટાચાર મામલે વધુ એક નેતાનો વિડીયો વાયરલ થતા વિવાદના વમળ પેદા થયા છે. સોશિયલ મીડિયામાં ભાજપના પૂર્વ અગ્રણીનો કથિત વીડિયો વાયરલ થતા જ છોટા ઉદેપુર પંથકમાં ખળભળાટ વ્યાપી ગયો છે. છોટાઉદેપુર જિલ્લા ભાજપના પૂર્વ પ્રમુખનો ભ્રષ્ટાચાર  ખુલ્લો પડતા સનસનાટી વ્યાપી ગઈ છે. આ આખીય ઘટનામાં ભાજપના પૂર્વ જિલ્લા પ્રમુખ જશુભાઈ ભીલ પર ભ્રષ્ટાચારનો આરોપ લગાવાયો  છે. 

ભાજપનાં પૂર્વ નેતા જશુભાઈ ભીલનાં કથિત ભ્રષ્ટાચારનો વિડીયો વાયરલ થતા ગાંધીનગર સુધી તેના પડઘા પડે તેવી સંભાવનાઓને નકારી શકાતી નથી. જસુભાઈ ભીલ અગાઉ એસ.ટી. નિગમમાં  ડિરેકટર રહી ચૂક્યા છે. તેઓના ડીરેક્ટર પદ વખતે,તેઓએ એસ.ટી બસના કંડકટર ભરતી માટે નાણા પડાવ્યાનો ઉલ્લેખ આ વિડીયોમાં કરવામાં આવ્યો છે. સમગ્ર ઘટના ત્યારે ભાર આવી જ્યારે ભરતીમાં નામ ન આવતા એક ઉમેદવાર નાણા પરત લેવા પહોચ્યો હતો.તો જશુભાઈ ભીલે  ઉમેદવાર પાસેથી લેવાયેલી રકમ  ઉચ્ચ કક્ષાએ આપ્યા હોવાનો કર્યો દાવો કર્યો છે. આ ઉચ્ચ કક્ષા એટલે કોણ ? તેનો ખુલાસો થતા જ કેટલાય મોટા માથાઓ સંડોવાય તેવી આશંકા પ્રવર્તી રહી છે. હવે જોવાનું એ રહે છે કે, જશું ભીલે આ નાણા કોણે -કોણે આપ્યા છે. કેટલી વખત અને કેટલા નાણા આપ્યા છે? તેનો ખુલાસો રાજ્ય સરકાર કરાવી શકે તેમ છે કે કેમ ? તેના પર આધાર રાખે છે. 

શી વાતચીત છે ? 

સોશિયલ મીડિયામાં ભાજપના પૂર્વ અગ્રણીનો કથિત વીડિયો વાયરલ થતા જ છોટા ઉદેપુર પંથકમાં ખળભળાટ વ્યાપી ગયો છે. છોટાઉદેપુર જિલ્લા ભાજપના પૂર્વ પ્રમુખનો ભ્રષ્ટાચાર  ખુલ્લો પડતા સનસનાટી વ્યાપી ગઈ છે. લોકડાઉન દરમિયાન બનાવેલો વીડિયો તાજેતરમાં વાયરલ થતા,વિવાદ હવે ઘેરો બનવા જઈ રહ્યાના એંધાણ છે. આ વાયરલ વિડીયોમાં અરજદાર કાકલૂદી કરતા કહે છે કે, મે વ્યાજે પૈસા લઈને આપ્યા હતા. બે વર્ષ થઇ ગયા, ભરતી પણ થઇ ગઈ.આમ છતાં કઈ થયું નહિ. તમે મારા ફોન પણ નથી ઉંચકતા. જવાબમાં જશુભાઈ કહે છ કે, 'મારે થોડા પૈસા રાખવાના છે.મેતો આપી દીધા છે. હવે તુ મને યાદ કરાવજે.' હું ગાંધીનગર જવાનો છું.