ચિંતાજનક / શું દેશમાં કોરોનાની ત્રીજી લહેર શરુ થઈ ગઈ? કેરળ સહિત આ રાજ્યોમાં કોવિડના ‘આર- વેલ્યૂ’માં સતત વધારો

• આર વેલ્યૂ વધવાથી ફરી કેસ વધવાની ચિંતામાં વધારો થયો
• ‘આર વેલ્યૂ’માં સતત વૃદ્ધિ થઈ રહી છે
• કેરળ અને પૂર્વોત્તરના રાજ્યો આ મામલામાં મુખ્ય 

‘આર વેલ્યૂ’માં સતત વૃદ્ધિ થઈ રહી છે

દેશમાં કોરોનાની સ્પીડના સંકેત આપી રહેલા ‘આર વેલ્યૂ’માં સતત વૃદ્ધિ થઈ રહી છે. કેરળ અને પૂર્વોત્તરના રાજ્યો આ મામલામાં મુખ્ય છે. કેરળમાં આર વેલ્યૂ સતત 1.11 બનેલી છે. જ્યારે 1થી ઓછી હોવી જોઈએ. આર વેલ્યૂ વધવાથી ફરી કેસ વધવાની ચિંતામાં વધારો થયો છે.

 એક્ટિવ કેસની સંખ્યામાં ઘણો ચઢ ઉતાર જોવા મળી રહ્યો છે

ચેન્નાઈના ગણિતીય વિજ્ઞાન સંસ્થાનના અનુસંધાનકર્તાના વિશ્લેષણમાં કહેવામાં આવ્યું છે કે દેશમાં 2 મહાનગરો પુણે અને દિલ્હીમાં આર વેલ્યૂ એકની નજીક છે.  ગણિતીય વિજ્ઞાન સંસ્થાનના અનુસંધાનની ટીમનું નેતૃત્વ કરનારા સીતાભ્ર સિંહે કહ્યું કે એક વિશ્વસનીય અનુમાન મેળવા માટે એક્ટિવ કેસની સંખ્યામાં ઘણો ચઢ ઉતાર જોવા મળી રહ્યો છે. પરંતુ આંકડા 1ની આસપાસ વેલ્યૂ રહેવાનો ઈશારો કરી રહ્યા છે. આવનારા દિવસોમાં આ ઉપર અથવા નીચે આવી શકે છે. કેરળમાં એક્ટિવ કેસ વધારે છે. એટલે ત્યાં વેલ્યૂ સતત 1.11 બનેલી છે. પૂર્વોત્તરની સ્થિતિ પણ ખરાબ છે. જ્યા આર વેલ્યૂ છે. પૂર્વોત્તરમાં ત્રિપુરા, મણિપુર અને અન્ય રાજ્યોમાં ઉત્તરાખંડમાં આર વેલ્યૂ 1ની ઘણી નજીક છે.

મોટા શહેરોમાં કેટલી છે આર વેલ્યૂ

મોટા શહેરોમાં પુણેમાં આર વેલ્યૂ 1થી વધારે છે. જ્યારે દિલ્હીમાં આ 1ની નજીક છે. ત્યારે બેંગ્લુરુમાં 17થી 13 જુલાઈની વચ્ચે 0.72 જોવા મળી. મુંબઈમાં આર વેલ્યૂ 22થી 24 જુલાઈની વચ્ચે 0.74 રહી. ચેન્નાઈ 21થી 24 જુલાઈની વચ્ચે આ 0.94 રહી. તો કોલકત્તામાં આ 17થી 24 જુલાઈની વચ્ચે 0.86 ટકા રહી.

શું છે આર વેલ્યૂ

આર વેલ્યૂ અથવા સંખ્યા, કોરોના વાયરસના ફેલાવાની ક્ષમતાને પારદર્શિત કરે છે અથવા અસરકારક રિપ્રોડક્શન નંબર એક અંદાજો હોય છે કે સંક્રમણ કેટલુ સ્પીડમાં ફેલાઈ રહ્યું છે. આ સંખ્યાથી ખબર પડે છે કે અંદાજીત કેટલા લોકોને એક કોવિડ સંક્રમિત વ્યક્તિથી પોઝિટિવ હોવાની શક્યતા છે. મહામારીને ખતમ કરવા માટે આરને 1થી નીચે રાખવો ખૂબ જરુરી છે. આર વેલ્યૂ 0.95 હોવાનો એ મતલબ છે કે પ્રત્યેક 100 સંક્રમિત વ્યક્તિ સરેરાશ 95 અન્ય લોકોને સંક્રમિત કરશે.