Coronavirus / રાજ્ય સરકારનો મોટો નિર્ણય, 26 જિલ્લાની COVID હોસ્પિટલોમાં દર્દીની મફત થશે સારવાર

આ સાથે જ તેમણે વધુમાં જણાવ્યું હતું કે, ડેઝિગ્નેટેડ ખાનગી હોસ્પિટલમાં દાખલ થયેલ દર્દી સાજા થયાં બાદ તેમને હોસ્પિટલમાંથી રજા આપ્યા બાદ 5 દિવસ સુધી તેમને ચા, નાસ્તો, બે ટાઇમ ભોજન અને દવાઓ વિનામૂલ્યે અપાશે.

આરોગ્યકર્મીનું કોરોનાને કારણ મૃત્યુ થાય તો પરિવારને અપાશે 25 લાખની સહાય

આ સાથે જ રાજ્યની આવી ડેજીગ્નેટેડ હોસ્પિટલના આરોગ્યકર્મચારીનેકોરોનાનો ચેપ લાગવાથી મૃત્યુ થાય તો રાજ્ય સરકારની જાહેરાત મુજબ રૂ. 25 લાખ રૂપિયાની સહાય તેવા આરોગ્યકર્મીના પરિવારજનોને અપાશે.

યુધ્ધના ધોરણે ઉભી થઈ રહી છે હોસ્પિટલ
  
કુલ 4064 બેડની ક્ષમતા વધશે. જ્યારે ચાર મહાનગરોમાં  COVID 19 માટે 2200 બેડની હોસ્પિટલ શરૂ કરી છે અને અન્ય 26 જિલ્લામાં 3200 બેડની હોસ્પિટલમાં તૈયાર રાખી છે. આમ, સમગ્ર ગુજરાતમાં  COVID 19 કોરોના વાયરસના સંક્રમિત અસરગ્રસ્તોની તાત્કાલિક સારવાર માટે કુલ 9,464 બેડની ક્ષમતાવાળી હોસ્પિટલો સાથે ગુજરાત આ મહામારીના પડકારને પહોચી વળવા તૈયાર રાખી છે. રાજ્યમાં હાલ અમદાવાદ, રાજકોટ, વડોદરા, સુરતમાં કુલ 2200 બેડની ડેડીકેટેડ  COVID 19 હોસ્પિટલ કાર્યરત છે 

સરકાર દ્વારા ગુજરાતમાં COVID 19 બેઝ્ડ 26 જિલ્લાઓમાં 31 હૉસ્પિટલ્સનું લિસ્ટ કરાયું જાહેર#covid19 #CoronaHospital #Gujarat @CMOGuj @vijayrupanibjp @Nitinbhai_Patel @JayantiRavi #CoronavirusOutbreak pic.twitter.com/J5d6xuUJsx

— VTV Gujarati News and Beyond (@VtvGujarati) April 8, 2020