રેડ અલર્ટ / આણંદ કેમ છે રેડ ઝોનમાં? કેમ આરોગ્ય સચિવ જંયતિ રવિ દોડી ગયા આણંદ!

• આરોગ્ય અગ્ર સચિવ જયંતિ રવિ પહોંચ્યા આણંદ
• આણંદ કલેક્ટર કચેરી ખાતે કલેક્ટર સાથે બેઠક
• વીડિયો કોન્ફરન્સ મારફતે ખંભાતની સ્થિતીની કરી સમીક્ષા

આણંદ જિલ્લાને હાલ કેન્દ્ર સરકાર દ્વારા રેડ ઝોનમાં મૂકવામાં આવ્યો છે. ત્યારે આરોગ્ય અગ્ર સચિવ જયંતિ રવિએ આજે આણંદ જિલ્લાની મુલાકાત લીધી. અને ખંભાત, ઉમરેઠ, પેટલાદ સહિતના આરોગ્ય અધિકારી, પોલીસ અધિકારી અને તાલુકા તંત્ર સાથે વીડિયો કોન્ફરન્સ સાથે વાત કરી. અને માહિતી મેળવી હતી. 

આણંદ જિલ્લા કલેક્ટર કચેરી ખાતે મીટિંગ કરી અને જરૂરી સૂચનો આપ્યા હતા. આણંદ જિલ્લામાં સૌથી વધુ કેસ ખંભાતમાં 62 નોંધાઇ ચૂક્યા છે. જ્યારે જિલ્લામાં કુલ 79 કેસ નોંધાયા છે. જેને લઇ હાલ આણંદ રેડ ઝોનમાં છે

આણંદ જિલ્લામાં કોરોનાના વધુ 2 પોઝિટિવ કેસ દાખલ

ખંભાતમાં કોરોનાના પોઝિટિવ કેસની સંખ્યા 62 પહોંચી છે જ્યારે આણંદ જિલ્લામાં કુલ પોઝિટિલ કેસની સંખ્યા 79 થઈ છે.  અત્યાર સુધી આણંદ જિલ્લામાં 4ના મોત, 31 દર્દીઓ ડીસ્ચાર્જ કરવામાં આવ્યા છે. આણંદ જિલ્લાના નવાબી નગર ખંભાતમાં કોરોના વિસ્ફોટ થતાં નવાબી નગર હોટસ્પોટ બન્યું છે. 29 એપ્રિલે એક જ દિવસમાં નવાબી નગરમાં કોરોનાના 12 પોઝીટીવ કેસો આવતા કોરોના વિસ્ફોટ થવા પામ્યો છે.

રાજકોટને પણ આણંદે છોડ્યુ પાછળ

કોરોના વાયરસે સમગ્ર રાજ્યમાં હાહાકાર મચાવ્યો છે ત્યારે સૌથી વધુ અમદાવાદમાં કેસ નોંધાઇ રહ્યા છે. તેવામાં ગુજરાતના 4 મહાનગરો અમદાવાદ, સુરત, વડોદરા અને રાજકોટ. જેઓ અત્યાર સુધી કોરોના કેસની સંખ્યામાં સૌથી આગળ રહ્યા છે પરંતુ આણંદ જિલ્લાએ મોટા જિલ્લા રાજકોટ અને ભાવનગરને પણ કોરોનાના કેસની સંખ્યામાં પાછળ રાખી દીધા છે.

આણંદમાં અત્યાર સુધીમાં 31 લોકો સ્વસ્થ થઇ ચૂક્યા

આણંદમાં 4 કોરોના પોઝિટિવ લોકોના મોત થયા છે. આણંદમાં અત્યાર સુધીમાં 31 લોકો સ્વસ્થ થઇ ચૂક્યા છે. મહત્વનું છે કે, એક સમયે આણંદ કરતા રાજકોટ અને ભાવનગરમાં કોરોનાના કેસ વધારે હતા

1	અમદાવાદ	3026
2	સુરત	614
3	વડોદરા	289
4	આણંદ	79
5	રાજકોટ	58
6	ભાવનગર	47